Use Your Imagination er det tredje studioalbumet til det engelske glamrockbandet Mud, utgjeve i desember 1975.
Etter å ha spelt inn dei to første albuma sine med låtskrivarane og produsentane Nicky Chinn og Mike Chapman, ønskte ikkje Mud lenger å samarbeide med dei. Duoen hadde skrive alle hittane til bandet, som «Tiger Feet» og «Dynamite», medan gruppa hadde skrive sine eigne B-sider. Dei meinte no dei var klare for å halde fram på eiga hand. Den første sjølvskrivne singelen deira, «L'L'Lucy», vart ein hit og nådde tiandeplassen på singellista i Storbritannia, medan albumet Use Your Imagination nådde 33. plassen.[1] Albumet skilde seg noko frå tidlegare album, og hadde ikkje like mange coverversjonar av rockeklassikarar. Berre to av songane er coverversjonar, ein reggaeversjon av The Everly Brothers sin «Bird Dog» og ein versjon av Curtis Lee sin «Under the Moon of Love». Resten skreiv dei sjølv.
Tittelsporet er ein disco-aktig song og skilde seg frå den tidlegare glamrockprega stilen deira.
Allmusic gav albumet 3,5 av 5 stjerner og skreiv: «Ein kan lure på om det var lurt å kvitte seg med Chinn og Chapman, og sjølv om dei snublar eit par gonger, kom Mud opp med eit ganske sterkt album her. Det er ikkje her du hadde starta samlinga di då og ei samling med singlar frå dei tidlege åra deira er definitivt å føretrekke.»[1]
Innhald
|
| 1. | «R.U. Man Enough» | Barry Dunning, Ray Stiles, Rob Davis | 3:35 |
| 2. | «(She Got) The Devil in Her Eyes» | John Goodison, Phil Wainman | 2:36 |
| 3. | «Don't Knock It» | Ray Stiles, Rob Davis | 3:02 |
| 4. | «Maybe Tomorrow» | Ray Stiles, Rob Davis | 3:21 |
| 5. | «43792» | John Goodison, Phil Wainman | 1:40 |
| 6. | «Hair of the Dog» | Dave Mount, David Mindel | 3:12 |
|
| 6. | «L' L' Lucy» | Ray Stiles, Rob Davis | 2:59 |
| 7. | «Show Me You're a Woman» | John Goodison, Phil Wainman | 2:50 |
| 8. | «Bird Dog» | Boudleaux Bryant | 3:54 |
| 9. | «Use Your Imagination» | Ray Stiles, Rob Davis | 4:54 |
| 10. | «Under the Moon of Love» | Curtis Lee, Tommy Boyce | 4:00 |
Medverkande
- Les Gray: vokal, trompet
- Ray Stiles: bassgitar, vokal
- Dave Mount: trommer, vokal
- Rob Davies: gitar, vokal
- Andy Ball: klaverinstrument
- Andre
- Phil Dennys: strykarar (spor 2, 8, 10)
- Gonzalez: blåseinstrument (spor 3, 6)
- Pete Wingfield: piano (spor 4, 5)
- Ellie: korvokal (spor 7, 9)
- Harvey Hinsley: steelgitar (spor 9)
Kjelder
