The Man and the Journey

The Man og The Journey er namn på to albumlange musikksuitar framført på konsertar av Pink Floyd i 1969.^[1] Dei bestod av tidlegare songar i lag med nye songar som kom ut på Music from the Film More og Ummagumma, samt nokre songar som ikkje vart gjevne ut.^[1] Konsertane bestod òg av visuelle element som saging og bygginga av eit bord, og drikking av te på scenen.^[1]

Konseptet vart første gong framført 14. april 1969 i Royal Festival Hall på eit show kalla The Massed Gadgets of Auximenes - More Furious Madness from Pink Floyd.^[1] Ein forkorta versjon av showet vart innspelt 12. mai 1969 for Top Gear.^[1] 17. september vart verket framført i Concertgebouw i Amsterdam, eit show som er mykje piratkopiert fordi det vart sendt på radiostasjonen VPRO.^[1] Det vart vurdert å gje ut eit konsertalbum av The Man and the Journey, men dette vart skrinlagd då Ummagumma kom ut.

Bandmedlemmane har sjeldan referert til suitane i seinare intervju. Likevel kan kombinasjonen av kvadrofoniske lydeffektar, abstrakt programmusikk og gjentakande tema alle sporast tilbake til The Man og The Journey. Desse vart vidare utvikla av bandet i den mest kjende musikken hans.

I 2016 vart eit konsertopptak av of The Man and The Journey gjeve ut for første gongen i plateboksen The Early Years 1965-1972, på plata 1969: Dramatis/ation. Denne vart spelt inn i Amsterdam den 17. september 1969. «Teatime»-delen av konserten var ikkje med på plata, då denne berre bestod av at bandet vart servert te på scenen.

Setliste frå Amsterdam-konserten 1969

Part I: The Man

Nr.	Tittel	Lengd
1.	«Daybreak, Pt. I» («Grantchester Meadows» frå Ummagumma)	8:09
2.	«Work» (Perkusjon og vibrafon med musikalsk saging og hammarslag)	3:50
3.	«Teatime» (Pink Floyd vart severt te på scenen på dette tidspunktet. Denne er ikkje med i på Early Years-utgjevinga.)
4.	«Afternoon» («Biding My Time» frå Relics)	5:15
5.	«Doing It!» («The Grand Vizier's Garden Party (Entertainment)» [6:12 og framover], frå Ummagumma, eller på somme konsertar vart han erstatta av ein unik kombinasjon av «Up the Khyber» [frå More] og ein tidleg «Heart Beat Pig Meat» [frå Zabriskie Point])	3:49
6.	«Sleep» («Quicksilver», frå Music from the Film More)	4:40
7.	«Nightmare» («Cymbaline», frå More)	8:57
8.	«Daybreak, Pt. II» («Grantchester Meadows» instrumental reprise, med lydar av alarmklokke)	1:13

Part II: The Journey

Nr.	Tittel	Lengd
1.	«The Beginning» («Green Is the Colour», frå Music from the Film More)	4:49
2.	«Beset By Creatures of the Deep» («Careful with That Axe, Eugene»)	6:18
3.	«The Narrow Way» («The Narrow Way, Part 3», frå Ummagumma)	5:09
4.	«The Pink Jungle» («Pow R. Toc H.», frå The Piper at the Gates of Dawn, eller på somme konsertar ein unik instrumental, liknande «Nick's Boogie»)	4:49
5.	«The Labyrinths of Auximines» (Del av «Interstellar Overdrive», frå The Piper at the Gates of Dawn, eit riff som regel spelt i midten av låten, ikkje hovudriffet)	6:34
6.	«Behold the Temple of Light» (Eit par sekund av dette kan høyrast på Ummagumma like før «The Narrow Way, part 3», lang lengre her)	5:28
7.	«The End of the Beginning» («A Saucerful of Secrets, Pt. IV - Celestial Voices» [8:38 og framover], frå A Saucerful of Secrets)	6:14

^[1]

Kjelder

1. Mabbett, Andy (1995). The Complete Guide to the Music of Pink Floyd. London: Omnibus,. ISBN 0-7119-4301-X. 

• Denne artikkelen bygger på «en:The Man and the Journey» frå Wikipedia på engelsk, den 15. februar 2011.
  • Wikipedia på engelsk oppgav desse kjeldene:
• "The Man and The Journey" Arkivert 2011-10-02 ved Wayback Machine. Amsterdam-innspeling (Podcast)
• Diskusjon og setlister
• The Auximines Project, som gjev instruksjonar om korleis ein kan gjenskape settet med å nytte songar frå forskjellige Pink Floyd-album