Tedef (arabisk تادف, Tadif), òg kalla Tedef al-Yahud (Tedef av jødane),[1] er ein by kring 30 km aust for Aleppo i Syria.[2] Helgenskrinet til den hebraiske profeten Esra (ca. 400 fvt.) ligg i byen og han var ein populær sommarferiestad for jødar frå Aleppo.[3]
Historie
Landsbyen vart bysett på 1800-talet av arabarar frå Aneyzeh-folket.[4] Seint i 1800-åra vart landsbyen stadig angripe av nomadiske arabarar som ønskte å stjele sau og kveg frå dei kringliggande slettene. Menneskeliv gjekk tapt då landsbybuarane klarte å samle 400 væpna menn for å forsvare flokkane sine.[5] På denne tida levde kring 20 jødiske familiar i landsbyen,[6] som vart skildra som «ein jødisk by».[7] Før sjabu‘ót-høgtida, drog jødar frå Aleppo på ei årleg pilegrimsreise til landsbyen.[6]
I 1931 var det 15 jødiske familiar som budde i byen.[8]
Tilknyting til Esra
I følgje ei lokal segn stoppa Esra (ca. 400 fvt.) i byen på veg frå Babylon til Jerusalem og bygde synagoga som framleis står i dag.[9] I 1899 oppdaga Max Freiherr von Oppenheim hebraiske inskripsjonar frå 1300-talet ved synagoga.[10] Det ligg ei kjelde nær byen kalla Ein el-Uzir, der det vert sagt at Esra ofte dukka seg sjølv under medan han oppheldt seg her.[11][12] Ei grav som er tilskriven Ezra ligg i byen og har vore intakt i hundrevis av år.[13] På ei pilegrimsreise til Jerusalem i 1414 skal Issac Elfarra frå Malaga ha blitt fortalt:
20 km frå [Aleppo] ligg grava til Esra. Det skreiv Esra ned Toraen. Denne landsbyen heiter Taduf og har ei syngoge. Dei seier òg at kvar kveld året rundt stig ei sky frå grava til Esra og forsvinn aldri.[14]
Det finst òg ei anna grav tilskriven Esra nær Basra i Irak.
Kjelder
