Storsjön (IPA: /ˈstuːˌʂœn/ ) er ein innsjø i Jämtlands län med eit areal på 464 km². Han er ein del av Indalsälva-systemet og er den femte største innsjøen og den fjerde største regulerte innsjøen i Sverige. Innsjøen ligg i kommunane Östersund, Berg, Krokom og Åre. På austsida ligg byen Östersund. Frösön er den største øya i Storsjön.
Färjerederiet Trafikverket (eigd av Trafikverket) driv to gratis ferjeruter på Storsjön, ei mellom Norderön og Håkansta og ei mellom Isön og Norderön.[1] Om vinteren vert det brøyta veg på isen som erstatning for ferjene.[1]
Storsjön er drikkevasskjelde til Östersund.[2] I november 2010 vart tusenvis av menneske i Östersund råka av magesjuke med diaré.[3] Det viste seg å skuldast Cryptosporidium som hadde kome med drikkevatnet frå Storsjön.[2][3]
