«Stabat matar dolorosa» ('Stod der mora, fylt av smerte') er ein katolsk hymne frå 1200-talet, skriven på latin i Italia. Teksten, som skildrar lidingane til Maria under krossfestinga av sonen Jesus Kristus, vart tidlegare tilskriven Jacopone da Todi, men i dag blir Bonaventura rekna som den mest sannsynlege forfattaren.
Hymnen er vorte eit fast innslag i den katolske liturgien. Stabat matar blir ofte framført 15. september, som i den katolske kyrkja er ein minnedag for Jomfru Marias smerte (Beata Maria Virgo Perdolens), og dessutan på fredag før palmesøndag.
Den mindre kjende «Stabat matar speciosa» uttrykker Jomfru Maria si glede ved Jesu' fødsel.
