Ronneby kommun

Ronneby kommun
kommune
Kommunevåpen
Land	Sverige
Len	Blekinge län
Landskap	Blekinge
Del av	Blekinge, Q61441440, Blekinge domkrins
Centralort	Ronneby
Areal	866,03 km²
•  land	829,8 km²
•  vatn	36,23 km²
Folketal	28 443
Folketettleik	34 / km²
Ronneby kommun 56.2°N 15.283333333333°E / 56.2; 15.283333333333
Kart som viser Ronneby kommun. Kart som viser Ronneby kommun.
Wikimedia Commons: Ronneby Municipality
Nettstad: www.ronneby.se

Ronneby kommune er ein kommune i Blekinge län i Sverige. Kommunen grensar til to andre kommunar i Blekinge län, Karlshamns kommun i vest og Karlskrona kommun i aust. Han grensar også til to kommunar i nord, Tingsryds kommun i Kronobergs län og Emmaboda kommun i Kalmar län. Administrasjonssenteret er Ronneby.

Ronneby kommune har også ein liten eksklave i Karlskrona kommun som har nokre få byar (Skillingsboda, Lönnemåla og Stora Lönnemåla), samt storparten av innsjøane Stora Skälen og Långasjön.

Den nordlege delen av kommunen har mykje skog, medan den sørlege delen har eit sletteområde som strekkjer seg ut til skjergarden. Næringslivet er dominert av tenestesektoren, og IT-sektoren har også vokse dei siste åra.

Administrativ historikk

Då dei svenske kommunalforordningane tredde i kraft i 1863 var området samansett av Ronneby köping, samt ein del sokn. I 1870 vart Eringsboda kommun grunnlagd gjennom utbryting frå Tving. Köpingen Ronneby vart by i 1882.

Ved kommunereforma 1952 vart det oppretta «storkommunar». Desse var: Hallabro (av dei tidlegare kommunane Backaryd og Öljehult), Tving (av Eringsboda og Tving), Listerby (av dei tidlegare kommunane Edestad, Förkärla, Hjortsberga og Listerby). Bräkne-Hoby og Ronneby landskommun heldt fram utan endringar.

I samband med kommunereforma i 1971 vart desse einingane planlagt samanslåtte. Allereie i 1963 hadde Kallinge landskommun vorte oppretta gjennom samanslåing av Hallabro, Tving og Ronneby landskommunar. I 1967 vart Bräkne-Hoby, Kallinge og Listerby innlemma i Ronneby stad. Kommunen fekk altså si noverande form allereie fire år før han vart Ronneby kommun i samband med at einskapleg kommunetype vart innført i 1971.

Kommunevåpenet

Blasonering: Eit blått skjold delt av eit band med ein sølvstraum. I det øvre feltet ei sekstagga stjerna og i det nedre ein nymåne, begge også i sølv.^[1]

Ronneby hadde tidleg vore by, men mista privilegium då Karlskrona vart grunnlagd. I 1882 vart Ronneby by på nytt, og våpenet vart fastsett året etter. Etter kommunegrunnlegginga vart byvåpenet uforandra valt til våpen for den nye kommunen og det ikkje-fastsette våpenet til Listerby gjekk ut av bruk. I 1974 vart våpenet registrert i Patent- och registreringsverket, merkeleg nok med stavinga frå 1883.

Tettstader

Jarnbanestasjonen i Johannishus

Det er ni tettstader i Ronneby kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1	Ronneby	11 767
2	Kallinge	4 767
3	Bräkne-Hoby	1 769
4	Johannishus	773
5	Listerby	672
6	Ronnebyhamn	464
7	Backaryd	399
8	Eringsboda	340
9	Hallabro	252

Kjelder

• Artikkelen var opphavleg basert på ei omsetjing av «Ronneby kommun» på Wikipedia på svensk.
• «Ronneby – kommune» på Store Norske Leksikon.

Fotnotar

1. «En blå sköld bandevis delad af en silfverström. I det öfre fältet en sexuddig stjärna och i det nedre en nymåne, båda likaledes af silfver».