Ri Kwang-Chon (fødd 4. september 1985) er ein nordkoreansk fotballspelar som spelar i forsvar for klubben til den nordkoreanske hæren, Sportsgruppa 25. april, i den nordkoreanske fotballigaen, og for det nordkoreanske landslaget.
Ri har vore ein av nøkkelspelarane på landslaget til Nord-Korea heilt sidan 2004/05, og spelte ti kampar under kvalifiseringa til fotball-VM i 2006. Under kvalifiseringa til fotball-VM i 2010 utgjorde han saman med Ri Jun-Il, Pak Nam-Chol og Cha Jong-Hyok Nord-Korea si faste forsvarsrekkje, som saman med keeperen Ri Myong-Guk klarde å halda buret reint i 10 av dei 14 kampane i andre og tredje kvalifiseringsrunde.
