Re'im vart grunnlagd i 1949 av speidarar som var demobiliserte frå Palmach. Kibbutzen hadde fleire namn før han fekk det noverande namnet.
Historie
Kibbutzen vart grunnlagd i 1949 var tidlegare Palmach-medlemmar med det provisoriske namnet HaTzofim Vav (tyder Speidarar F).[1] Han vart så kalla Tel Re'im (hebraisk skrift תל רעים, tyder Venerhøgda) etter ei arabisk omsetjing av den nærliggande arkeologiske staden Tell Jemmeh. Han vart til slutt kalla Re'im til minne om medlemmar av Gar'in som vart drepen i den arabisk-israelske krigen i 1948.[2] Namnet, som tyder 'vener', vart henta frå Salomos ordtak (18:24) for å symbolisere dei.[3]
Kibbutzen vart planlagt av arkitekten Hanan Habaron, som var med å grunnleggje kubbutzen og var medlem fram til han døydde i 2002. Det israelske forsvaret (IDF) har ein base nær kibbutzen. Før Israel trekte seg ut frå Gaza i 205, vart basen nytta som leir for å evakuere soldatar. Etter uttrekkinga vart Re'im eit mål for Qassam-rakettar avfyrte frå Gazastripa.[4] I 2008 bad IDF-soldatar på den nærliggande basen nær Nahal Oz om at basen skulle flyttast til eit område nær Re'im, utafor rekkjevidda til bombekastarane til Hamas.[5]
Geografi
Re'im ligg mellom vegane 232 og 234 i Vest-Negev. Ruinane av den gamle Gama (Tell Jemmeh) ligg like vest for kibbutzen. Vest for Re'im ligg kibbutzen Kissufim, og i nord ligg Be'eri.[2] Re'im ligg 50 meter over havet og elva Besor renn gjennom området.[1]
