Paul Waaktaar-Savoy

Paul Waaktaar-Savoy
Fødd	6. september 1961 (63 år)
Fødestad	Oslo
Fødenamn	Pål Waaktaar Gamst
Opphav	Noreg, USA
Aktiv	1976–
Sjanger	synthpop
Instrument	gitar, vokal
Verka som	komponist, songar, musikar, gitarist, pianist, låtskrivar
Gift med	Lauren Savoy
Prisar	ridder av 1. klasse av St. Olavs Orden

Paul Waaktaar-Savoy, fødenamn Pål Waaktaar Gamst (fødd 6. september 1961) er ein norsk gitarist og låtskrivar frå Oslo, busett i New York.

Bridges og A-ha

Pål Waaktaar Gamst byrja karrieren sin i bandet Bridges saman med barndomsvenen Magne Furuholmen. Etter kvart kom dei to i kontakt med Morten Harket, og reiste til England for å spela inn plate. Plata fekk namnet Hunting High and Low og vart debuten til A-ha. Waaktaar skreiv låtar og spelte gitar i bandet fram til dei tok pause rundt 1993. Dei hadde stor suksess i denne tida, og vann fleire Spellemannprisar.

Savoy og gjenforeining

I 1991 gifte han seg med Lauren Savoy frå USA, og endra namnet sitt til Paul Waaktaar-Savoy. Paul og Lauren gjekk saman med Frode Unneland og Popium om å danna musikkgruppa Savoy. Fyrste Savoy-plate; Mary Is Coming kom ut i 1996, og fram til i dag har gruppa gjeve ut seks album og vunne to Spellemannprisar.

I 2000 kom A-ha saman igjen og gjorde eit svært vellukka comeback som varte i ti år; den siste turnéen deira vart avslutta i Oslo i 2010.

Lauren

Paul og Lauren Waaktaar-Savoy er framleis busett i New York. Dei har ein son saman. ^[1]

Kjelder

• Denne artikkelen bygger på «Paul Waaktaar-Savoy» frå Wikipedia på bokmål, den 9. april 2011.

Referanse

1. TV2 Underholdning om Waaktaar-Savoy

Bakgrunnsstoff

• Massiv.no: Et slags monster. Intervju med Paul Waaktaar-Savoy. Arkivert 2012-02-24 ved Wayback Machine.
• Rockman om Paul Waaktaar-Savoy Arkivert 2011-05-02 ved Wayback Machine.
• Groove.no om Waaktaar-Savoy
• Offisiell fanside.