Naja Marie Aidt (fødd 24. desember 1963) er ein dansk forfattar. Ho vart fødd i Aasiaat på Grønland og voks opp dels på Grønland og dels på Vesterbro i København. Aidt debuterte i 1991 med diktsamlinga Så længe jeg er ung.
Naja Marie Aidt er tildeld fleire prisar, mellom anna Nordisk råds litteraturpris 2008 for novellesamlinga Bavian. Komitéen sa i grunngjevinga for tildelinga at gjennom heile boka går ein straum som på same tid er både yndefull lett og illevarslande dyster og at Aidt har innteke ein framståande plass i sin generasjon av danske forfattarar. For Bavian fekk ho òg den danske Kritikerprisen for 2006. Aidt har Statens Kunstfonds hædersydelse.[1]
Bøkene til Aidt er ikkje omsette til norsk, men nokre av dei er komne i italiensk, svensk og tysk utgåve.
Verkliste
- 1991 – Så længe jeg er ung – diktsamling
- 1992 – Et vanskeligt møde – diktsamling
- 1993 – Vandmærket – novellesamling
- 1994 – Det tredje landskab – diktsamlng
- 1995 – Tilgang – novellesamling
- 1996 – Huset overfor – diktsamling
- 1996 – Ubrydeligt – høyrespel
- 1998 – Blæs på Odysseus – korsongar
- 1998 – Tjenende ånder – høyrespel
- 1999 – Rejse for en fremmed – diktsamling
- 2000 – Den lille Havfrue – operalibretto
- 2000 – Siska – skodespel
- 2000 – Tilbage til byen – manus til kortfilm for barn
- 2002 – Balladen om Bianca – lyrikk, kortprosa og ei barneforteling
- 2002 – Begyndelsen til en historie/Så börjar en historia – diktsamling
- 2004 – Rundt på gulvet – skodespel
- 2005 – Strings – manuskript til spelefilm
- 2005 – Zakarias og alle de andre – barnebok
- 2006 – Bavian – novellesamling
- 2006 – Hvor er Villy? – barnebok
- 2006 – Tag og kys det hele fra os saman med Viggo Madsen – dikt
- 2006 – Åsted – skodespel
- 2008 – Poesibog, Gyldendal
- 2009 – Alting Blinker, Gyldendal – diktsamling
- 2012 – Sten saks papir, Gyldendal – roman
- 2014 – Frit flet, med Mette Moestrup og Line Knutzon
- 2016 – OMINA, med Mette Moestrup - dikt
- 2017 – Har døden taget noget fra dig så giv det tilbage. Carls bog
Prisar og utmerkingar
Kjelder
Bakgrunnsstoff
