Mohamed Ould Cheikh Mohamed Ahmed Ould Ghazouani (fødd 31. desember1956), òg kjent som Ghazouanni[1] og Ould Ghazouani,[2] er den 9. presidenten i Mauritania,[3] som tok posisjonen den 1. august 2019.[4] Han er òg ein pensjonert general i den mauritanske hæren. Ghazouani har vore formann i Den afrikanske unionen sidan februar 2024.[5]
Ghazouani har tidlegare vore generaldirektøren for nasjonaltryggleik[6] og stabsjef for dei mauritanske væpna styrkane i perioden mellom 2008 og 2018.[7] Han var forsvarsminister for Mauritania frå oktober 2018 til mars 2019.[8][9] I denne perioden var Ghazouani ein nær alliert til Mohamed Ould Abdel Aziz som var president fram til 2019. Etter presidentvalet den 22. juni 2019 vart Ghazouani vald til president i Mauritania.[4] Då han vart sett inn som president var dette den fyrste fredelege overgangen til makta i landet sidan landet fekk sjølvstende sitt.[10]
Bakgrunn
Ghazouani vart fødd i Boumdeid i Assaba-regionen den 4. desember 1956.[11] Han høyrer til ein kjend sufi-familie i Mauritania. Ghazouani er son til ein åndeleg leiar av den marabutiske stammen Ideiboussat.[12][13] Han har memorert Koranen.[14] Han er gift med ein lækjar, Mariam Mint Mohamed Vadel Ould Dah.[12][15] Saman har dei fem born, med Mohamed Lemine Ould Cheikh El-Ghazouani som den eldste sonen.[16]
Karriere
Militær karriere
Ghazouani gjekk inn i den mauritanske hæren på slutten av 1970-talet. Han heldt fram i yrke som ein offiser ved Det kongelege militærakademiet i Meknes i Marokko.[17][18][19] Han oppnådde ein bachelorgrad, ein mastergrad i administrasjon og militærvitskap, og fullførte fleire krigstreningsertifikat og kurs.[16][20]
Ghazouani var ein alliert med den tidlegare presidenten Mohamed Ould Abdel Aziz,[22] og var partnaren hans då president Sidi Ould Cheikh Abdallahi vart avstyrta i 2008. Han var òg medlem av den militære juntaen som kasta ut den tidlegare presidenten Maaouya Ould Sid'Ahmed Taya i 2005.[23][9]
Politisk karriere
I oktober 2018 vart Ghazouani utnemnd til forsvarsminister av den dåverande presidenten Mohamed Ould Abdel Aziz.[9][24]
Den 1. mars 2019 kunngjorde han kandidaturet sitt til presidentvalet, med det å erstatta Abdel Aziz.[25][2][1] Den 15. mars gjekk han av som forsvarsminister for å forfylgja målet sitt om å verta president i landet.[26]
Den 22. juni 2019 vart Ghazouani vald til president i Mauritania etter eit presidentval mot fem andre kandidatar i eit kapplaup til «gråpalasset».[16]
Den 1. august 2019 vart han teken i eid som den 9. presidenten i Mauritania.[27] Kort tid etter, vart høvet til den tidlegare presidenten Mohamed Ould Abdel Aziz dåleg på grunn av avsløringar om misbruk av økonomiske middel som den tidlegare presidenten hadde gjord. Ein parlamentarisk undersøking vart opna i august 2020 om Aziz sine aktivitetar, og han vart offisielt dømd i 2023. Aziz hevda at Ghazouani hadde gjeve den tidlegare presidenten to vesker fylt med sju millionar euro etter at han vart vald.[28]
.jpg)
