Kímolos

Kímolos Lokalt namn Κίμωλος
Geografi
Stad	Egearhavet
Koordinatar	36°48′N 24°33′E
Øygruppe	Kykladane
Areal	53,3 km²
Høgaste punkt	Paleókastro (397 moh.)
Administrasjon
Land	Hellas
Periferi Periferieining	Dei sørlege egeiske øyane Mílos
Største busetnad	Kímolos (718 innb.)
Demografi
Folketal	810 (2021[1])
Folketettleik	15,2 /km²

Kímolos (gresk Κίμωλος) er ei øy i Hellas som høyrer til Kykladane i Egearhavet. Øya ligg nær den større øya Mílos.

Kímolos er eigen kommune, og frå 2011 høyrer øya administrativt til under periferieininga Mílos i periferien Dei sørlege egeiske øyane.^[2]

Ved folketeljinga i 2021 hadde kommunen Kímolos 810 innbyggjarar, medan tettstaden med same namn hadde 718 innbyggjarar.^[1]

Øya har ikkje så mykje turisme og vert rekna som ei mellomklasse, landleg øy. Kímolos er det administrative senteret for seg sjølv og fleire ikkje-busette øyar som Polýegos, Ájos Evstáthios og Ájos Jeórjos.

Historie

Kímolos er ei øy med rik historie. Namnet kjem frå Kímolos, dei første innbyggjarne på øya. Ekhinoúsa er eit anna namn på øya som vart nytta under antikken, og stundom òg i dag. I antikken var ho ei slagmark mellom Aten og Sparta, som styrte over Mílos. I mellomalderen vart ho kalla Argentiera, på grunn av den sølvfarga bergarten på sørkysten. Sidan desse tider vart stein frå øya transportert til andre stader, og øya vart på grunn av dette eit handelssentrum. I lag med resten av Hellas vart ho styrt av Det osmanske riket, og i 1829 vart ho annektert av Hellas i lag med resten av Kykladane.

Innbyggjarar

I meir enn 150 år var innbyggjarane eit fattig jordbruksfolk, men tidleg på 1990-talet byrja turismen å utvikle seg også her. Levestandarden til innbyggjarane auka, men likevel har mange flytta frå øya, og i dag bur det ikkje meir enn 800 personar, stort sett pensjonistar, her om vinteren.

Byar og tettstader

Dei største byane og tettstadene i kommunen er:

Tettstad	Folketal 2011[3]	Folketal 2021[1]
Kímolos	837	718
Alykí	17	38
Kalamítsi	6	18
Psáthi	19	15
Prássa	13	11

Andre busetnader på øya:

• Goúpa-Kará (5)
• Ájos Nikólaos (2)

Småøyar i kommunen:

• Polýegos (3)
• Ájos Jeórjos (0)
• Ájos Evstáthios (0)
• Prasonísi (0)

Referansar

1. Folketeljing 2021
2. Νόμος 3852/2010 - ΦΕΚ 87Α/7-6-2010
   Lov 3852/2010: Kallikratis-reforma, arkivert frå originalen 30. juli 2023, henta 7. september 2023 
3. Folketeljing 2011, revidert

Kjelde

• Denne artikkelen er basert på ei omsetjing av artikkelen Kimolos frå Engelsk Wikipedia .