Jon Tvedte

Jon Tvedte
Fødd	28. mars 1915
Død	6. februar 1970

Jon Tvedte (28. mars 1915–6. februar 1970)^[1] var ein norsk flygar og offiser. Han gav òg ut tre bøkar om flyging.

Liv

Jon Tvedte, i midten, som instruktør for det første jagarflygerkullet i Little Norway.

Foto: Frå Nasjonalbiblioteket

Tvedte vart utdanna flygar i Hærens Flyvåpen i 1935.^[2] I 1940 var han elev ved Krigsskolen, og deltok i kampane i Noreg, men vart hardt skadd i eit tysk bombeangrep mot flyplassen på Setnesmoen. Han kom seg etterkvart til Little Norway i Canada, der han vart instruktør for dei norske flyelevane. Seinare kom han til 332 skvadron der han etter kvart vart skvadronsjef.^[2]

Etter krigen heldt fram Tvedte i Luftforsvaret, og var blant anna stasjonsjef på Bardufoss flystasjon.^[3] Han forlét Luftforsvaret i 1961. Han var då oberstløytnant.

Prisar og utmerkingar

For innsatsen sin under andre verdskrigen vart Tvedte tildelt blant anna St. Olavsmedaljen med eikegrein^[4] og Distinguished Flying Cross.

Bibliografi

• Opp med Spitfire, 1946
• Verden får vinger, 1948
• Flyvningen–det moderne eventyr 1958

Referansar

1. «Dødsannonse». Aftenposten: 13. 10. februar 1970. 
2. «Jon Tvedte død (nekrolog)». Aftenposten: 22. 7. februar 1970. 
3. «Fra statsråd i går». Aftenposten: 3. 13. august 1949. 
4. Krigskorset og St. Olavsmedaljen med ekegren. Grøndahl Dreyer. s. 200. ISBN 8250421906. 

Kjelder

• Nekrolog Aftenposten 7. februar 1970
• Luftforsvarets historie, band 2
• Hærens og marinens flyvåpen 1912 - 1945