«Happy» er ein song av the Rolling Stones på albumet Exile on Main St. frå 1972 med Keith Richards på solovokal. Han vart gjeven ut som den andre singelen frå albumet i juli 1972 og nådde 22. plass på singellista i USA.[1]
Songen er tilskriven Jagger/Richards, men er i hovudsak skriven av Richards sommaren 1971 i villa Nellcôte sør i Frankrike. Grunnsporet vart spelt inn i kjellaren på Nellcôte med Richards på bass, gitar og vokal, produsent Jimmy Miller på trommer og saksofonist Bobby Keys på maracas.[2] Nicky Hopkins la seinare på piano, og det same vart seinare gjort med trompeten til Jim Price og Key sin saksofon, gitaren til Mick Taylor og korvokalen til Mick Jagger.[3]
Sidan 1972 har Richards ofte sunge «Happy» på konsertar, og han har vorte ein av «signaturlåtane» hans.[2] Det finst konsertutgåver av songen på Love You Live og Live Licks.
Medverkande
Kjelder
- ↑ Elliott, Martin (2002). The Rolling Stones: Complete Recording Sessions 1962-2002. Cherry Red Books. s. 189. ISBN 1-901447-04-9.
- ↑ 2,0 2,1 Appleford, Steve (2000). The Rolling Stones: Rip This Joint: The Story Behind Every Song. Thunder's Mouth Press. s. 119. ISBN 1-56025-281-2.
- ↑ McPherson, Ian. «Track Talk: Happy».
- ↑ Frå plateomslaget til 2010-utgåva av Exile on Main St.
Bakgrunnsstoff
|
|---|
Decca- (UK) og
London-singlar (US) | |
|---|
Rolling Stones/
Atlantic-singlar | |
|---|
| Rolling Stones | |
|---|
| Virgin-singlar | |
|---|
| Universal-singlar | |
|---|
| Andre land | |
|---|
