George Shaw

For forfattaren, sjå George Bernard Shaw.

George Shaw
Fødd	10. desember 1751 Aylesbury
Død	22. juli 1813 London
Nasjonalitet	Det sameinte kongeriket Storbritannia og Irland, Storbritannia
Område	botanikk, zoologi, medisin, allmennpraksis
Yrke	kurator, botanikar, zoolog, faglitterær forfattar, iktyolog, ornitolog, lege, allmennlege
Institusjonar	University of Oxford British Museum
Alma mater	Hertford College University of Oxford
Medlem	Royal Society Linnean Society of London

George Shaw (10. desember 1751–22. juli 1813) var ein britisk zoolog.

Shaw var den første naturforskaren som arbeidde seriøst med den australske faunaen. Han var mellom dei første forskaren som undersøkte eit nebbdyr vitskapleg, og publiserte den første skildringa av arten. Han skildra også mange nye artar av reptilar og amfibiar.^[1]

Liv

Shaw var fødd i Bierton i Buckinghamshire som den andre sonen til presten Timothy Shaw. Han blei utdanna heime til han blei student ved Magdalen Hall i Oxford, der han fekk graden M.A. i 1772. Han blei ordinert som diakon i 1774, men ønskte ikkje å fortsetja som geistleg. I staden studerte han medisin i Edinburgh i tre år.^[2] I 1786 blei han assistant lecturer i botanikk ved Universitetet i Oxford. Han var med på å skipa Linnean Society i 1788, og blei medlem av Royal Society i 1789.

I 1791 blei Shaw assistentleiar ved naturhistoriedepartmentet ved British Museum. I 1806 etterfølgde han Edward Whitaker Gray som leiar (keeper). Han fann ut at mykje av materialet som var blitt donert til museumet av Hans Sloane var i særs dårleg stand. Medisinsk og anatomisk materiale blei send til museet til Royal College of Surgeons, men mange av dei utstoppa dyra hadde fått ei så dårleg forfatning at dei måtte brennast. Shaw blei verande i stillinga livet ut, og budde i residensen tilknytt museet. Han blei etterfølgd av assistenten sin, Charles Konig.

Verk

For meir om dette emnet, sjå Kategori:Takson namngjevne av George Shaw.

• Zoology of New Holland and the isles adjacent (1794)
• Museum Leverianum (1792-96)
• General Zoology, or Systematic Natural History (1809–1826)
• The Naturalist's Miscellany: Or, Coloured Figures Of Natural Objects; Drawn and Described Immediately From Nature (1789–1813)

Kjelder

1. The Reptile Database. www.reptile-database.org.
2. Woodward, Bernard Barham. «Shaw George». Dictionary of National Biography, 1885-1900. Volume 51. 

• Denne artikkelen bygger på «George Shaw» frå Wikipedia på bokmål og «George Shaw» frå Wikipedia på engelsk, den 18. november 2019.

Bakgrunnsstoff

Teksten til Shaw, George i Dictionary of National Biography ved Wikisource.

• Liste av nett-tilgjengelege publikasjonar i Biodiversity Heritage Library.