Flying Teapot

Flying Teapot Studioalbum av Gong
Språk	engelsk
Utgjeve	25. mai 1973
Innspelt	Januar 1973
Studio	The Manor Studios i Oxford
Sjanger	Progressiv rock[1] space rock[1]
Lengd	39:45
Selskap	Virgin
Produsent	Giorgio Gomelsky
Gong-kronologi
Continental Circus (1972)	Flying Teapot	Angel's Egg (1973)

Meldingar
Karakter
Kjelde	Karakter
Allmusic	[1]

Flying Teapot er det tredje studioalbumet til den progressive rockegruppa Gong, gjeve ut på Virgin Records i mai 1973. Det var den andre utgjevinga til Virgin (V2002) og kom ut same dagen som den første utgjevinga deira, Mike Oldfield sitt Tubular Bells (V2001). Det kom ut på ny seinare på året med eit anna plateomslag på BYG Actuel i Frankrike og Japan. Albumet vart spelt inn i Virgin sitt Manor Studios i Oxfordshire i England, og vart produsert av Giorgio Gomelsky.

Albumet har undertittelen Radio Gnome Invisible, Part 1, og er den første i trilogien Radio Gnome Invisible, i lag med Angel's Egg i desember og You i oktober året etter. Denne trilogien dannar ein sentral del i Gong-mytologien. The Flying Teapot-ideen i seg sjølv var inspirert av Russells tekanne.^[2] Det var det første Gong-albumet med den engelske gitaristen Steve Hillage, sjølv om han medverka relativt lite då han kom inn seint i innspelingsprosesssen. I følgje Daevid Allen «kom Steve Hillage seint, men det var ikkje mykje rom att. Han spelte noko rytmisk wah wah, nokre jazza akkordar og ein space-aktig solo på 'Flying Teapot'.»^[3]

I spesialutgåva til magasina Q & Mojo kalla Pink Floyd & The Story of Prog Rock, er albumet på 35. plassen på lista over «40 Cosmic Rock Albums».^[4]

Innhald

Side ein

Nr.	Tittel	Låtskrivar(ar)	Lengd
1.	«Radio Gnome Invisible»	Daevid Allen	5:32
2.	«Flying Teapot»	Allen, Francis Moze	12:30

Side to

Nr.	Tittel	Låtskrivar(ar)	Lengd
3.	«The Pot Head Pixies»	Allen	3:00
4.	«The Octave Doctors and the Crystal Machine»	Tim Blake	2:00
5.	«Zero the Hero and the Witch's Spell»	Allen, Blake, Christian Tritsch	9:45
6.	«Witch's Song / I Am Your Pussy»	Gilli Smyth, Allen	5:10
Total lengd:			39:45

Medverkande

Den originale lista over medverkande var som følgjer:

• Pon voicebox – Dingo Virgin & Hi T Moonweed the favourite
• Orgonskap & kviskring frå verdsrommet – the Good Witch Yoni
• VCS3box Cynthia size A & krystallmaskin – Hi T Moonweed the favourite
• Split sax i.e. tenna & soprasox & so flooth – The Good Count Bloomdido Bad De Grasse
• Gitbox – Stevie Hillside (spermguitar & slow whale), The Submarine Captain (sidereal slideguitar & Dogfoot), Dingo Virgin & others (aluminium croonguitar & stumblestrum)
• VCS3 fertilised elect piano & left bank uptightright pno & Shakesperian meat bass – Francis Bacon
• Drumbox kicks and knocks – Lawrence the alien
• Congox – Rachid Whoarewe the Treeclimber
• Road crew & trux – Venux De Luxe (switch doctor), Wiz De Kid (lights) & Duke

I røynda var dei medverkande:

• Daevid Allen – vokal, elektrisk gitar
• Gilli Smyth – kviskring frå verdsrommet
• Tim Blake – synthesizer, vokal
• Didier Malherbe – saksofon, fløyte
• Steve Hillage – gitar
• Christian Tritsch – gitar
• Francis Moze – bassgitar, piano
• Laurie Allan – trommer
• Rachid Houari – conga
• Francis Linon - miksing
• «Wiz De Kid» - lysteknikar
• «Duke» - scenearbeidar

Alle CD-utgåver har ein forkorta versjon av sporet «Flying Teapot», som vart korta ned frå 12:30 til 11:52 og ein forkorta versjon av «The Octave Doctors And The Crystal Machine» som vart korta ned frå 2:00 to 1:51, i tillegg til «Zero The Hero and the Witches Spell» som vart korta ned frå 9:45 til 9:38. Dette har skapt mykje kontrovers og vore skuffande for fans av det originale albumet.

Kjelder

• Denne artikkelen bygger på «Flying Teapot (album)» frå Wikipedia på engelsk, den 16. november 2019.
  • Wikipedia på engelsk oppgav desse kjeldene:

1. Allmusic-melding
2. Allen, Daevid. Gong Dreaming 2. SAF Publishing, 2009, s.5.
3. Allen, Daevid. Gong Dreaming 2. SAF Publishing, 2009, p.188.
4. Q Classic: Pink Floyd & The Story of Prog Rock, 2005.