Champéry er ein kommune i distriktet Monthey i kantonen Valais i Sveits. Kommunen har 1 276 innbyggjarar (2010) og eit areal på 39 km². Kommunesenteret ligg 1055 meter over havet.
Landsbyen Champéry ligg øvst i dalen Val d'Illiez, nær grensa mot Frankrike. I aust reiser fjellet Dents du Midi seg over Champéry. I vest grensar kommunen mot Frankrike. Grensa går ved det 1 923 moh. høge fjellskardet Col de Bretolet.
Champéry var ein av dei stadene som var tidleg ute med å satse på turisme. Det første hotellet, 'Dents du Midi', vart opna i 1857. Kommunen har i dag over 100 km med skiløyper.
Verdsmeisterskapen i terrengsykling på rundbane 2011 vart avvikla i Champéry dei første dagane av september.
Kjelder
Bakgrunnsstoff
