As I Went Out One Morning

As I Went Out One Morning Song av Bob Dylan frå albumet John Wesley Harding
Utgjeve	27. desember 1967
Innspelt	6. november 1967
Sjanger	Folkrock, countryrock
Lengd	2:49
Selskap	Columbia
Komponist	Bob Dylan
Tekstforfattar	Bob Dylan
Låtskrivar(ar)	Bob Dylan
Produsent	Bob Johnston

«As I Went Out One Morning» er ein song skriven av Bob Dylan frå 1967 på albumet hans John Wesley Harding. Han har berre framført songen ein gong på konsert, tidleg på Bob Dylan and The Band-turneen i 1974.

Teksten til «As I Went Out One Morning» fortel om ein mann som tilbyr ei hand til ei kvinne i lenkjer, men forstår at ho vil han meir enn han kan tilby, og at ho «er meint å skade han». Ein person kalla Tom Paine dukkar så opp og kommanderer ho til å gje seg, og unnskyldar seg til forteljaren for handlingane til kvinna. Tom Paine som figur kan representere sunn fornuft eller borgarrettar, som den historiske Tom eller Thomas Paine kjempa for. Det kan òg hende at songen refererer til den prestisjefylte Tom Paine-prisen som Dylan fekk i 1963 frå National Emergency Civil Liberties Committee. Dylan leverte ein takketale der han vart bua av scenen etter han hevda at han hadde noko empati med kjenslene til Lee Harvey Oswald.^[1] Songen minnar om W.H. Auden-diktet «As I Walked Out One Evening», også ved å ha den same jambiske takten og firelinja verseforma.

Andre versjonar

• Rainbow Press: Sunday Funnies (1969)
• Det sørafrikanske bandet Tribe after Tribe gav ut songen med tittelen «Damsel» i 1985^[2]
• Dr. Robert: Other Folk (1997)
• Stan Ridgway: Black Diamond (1995)
• Mira Billotte: I'm Not There (filmmusikkalbum) (2007)
• Why?: Unusual Animals Vol. 4 (2008)
• Wovenhand: Tiny Desk Concert (NPR) (2008)^[3]
• Dirty Projectors: Bitte Orca (Expanded Edition) (2010)
• Jason Simon: S/T (2010)
• Thea Gilmore spelte heile John Wesley Harding-albumet i 2010

Kjelder

• Denne artikkelen bygger på «As I Went Out One Morning» frå Wikipedia på engelsk, den 9. november 2018.
  • Wikipedia på engelsk oppgav desse kjeldene:

1. «Copy of Dylan's acceptance speech at NECLC». Arkivert frå originalen 11. september 2014. Henta 9. november 2018. 
2. «Tribe After Tribe». South Africa's Rock Legends. rock.co.za. Henta 9. november 2018. 
3. «Woven Hand article». NPR Music. Henta 9. november 2018. 

Bakgrunnsstoff

• Teksten på BobDylan.com