Alvefeltet er eit naturgass- og kondensatfelt i Norskehavet som er knytt opp til produksjonsskipet Norne som eit satellittfelt. Alve ligg 16 km sørvest for Norne. Gassen frå Alvefeltet vert produsert ved hjelp av undervassinstallasjonar.
Alvefeltet vart oppdaga i 1990 og førte til at det større Nornefeltet vart oppdaga to år seinare, i 1992. Produksjonen av Nornefeltet starta alt i 1997. Produksjonen på Alve starta 19. mars 2009. Med Alvefeltet og andre funn i området vart levetida til Norne utvida frå 2016 til 2021. Feltet består av formasjonane Garn, Not, Ile og Tilje, og funna ligg i Garn- og Notformasjonane.
Utvinnbare reservar var per 2012 rekna til kring 5,7 milliardar kubikkmeter gass, 11,9 mill. fat olje og 1,1 mill. tonn NGL.
Kjelder
