Pollack is 1886 as Söhn von Verwaltungsgerichtsdirekter Max Pollack un Helene Mayen in Gumbinnen boren. He weer in Hannover un Frankfort an de Oder op Gymnasium, hett in Frankfort 1904 sien Abitur maakt un denn an de Universitäten München, Halle un LausanneJuristeree studeert. 1908 is he Gerichtsreferendar in Fürstenwalde worrn, weer von 1909 af an Regerungsreferndar in Frankfort an de Oder, Lübben un Soldin un 1912 Regerungsassesser. Von 1914 bet 1918 weer he as Leutnant un Oberleutnant der Reserve Soldaat in’n Eersten Weltkrieg. 1919 is he Regerungsraad worrn. He is 1922 in de Düütsche Volkspartei ringahn un 1925 Landraad von’n Untertaunuskreis worrn. Nadem de Natschonalsozialisten 1933 an de Macht kamen sünd, hett he dat Amt as Landraad verloren. In de Tied von’n Tweten Weltkrieg hett he bi de Regeren in Hannover arbeidt.
Na’n Krieg weer he 1945/1946 Landraad von’n Landkreis Graafschop Schaumborg un keem 1946 as Regerungsviezpräsident un von 1948 bet 1950 as Regerungspräsident in’n Regerungsbezirk Stood. 1950 is he in Rohstand gahn. Von 1953 af an hett he sien Rohstand in Wiesbaden verbröcht.
.jpg)
