Walle is en Oortsdeel vun de Gemeende Winsen in’n Landkreis Celle in de Lüümborger Heid.
Geografie
Walle liggt an en Landstraat twüschen Winsen un Bargen, just an de süüdliche Kant vun de Lüümborger Heid in Neddersassen. Na de Autobahn B3 twüschen Celle un Bargen hett Walle Togang över en Wooldweg. In den lüttjen Oort leevt ünner 1000 Inwahners. He liggt up en lüttjen Barg, bi 60 m höger, as Winsen.
Delen
In Walle gifft dat den olen Deel „ünnen“ an de Landstraat un de nee Wohnsteed „boven“. Düsse Wohnsteed is boot wurrn üm ene ole Tegelee ümto. Düsse Tegelee is midderwielen dichtmaakt wurrn. De ole Lehmkuhlen is to den „Achimsee“ wurrn. Düsse See höört Privatlüde to. Wegen düsse Geschicht heet de Wohnsteed ok „De Tegelee“. De öllere Deel vun Walle warrt „Dat Dörp“ nömmt. Dor gifft dat noch de olen Buernhüser, en lüttjen Höker, en Kinnergoorn un en Sportheim.
Politik
Polietsche Fraktschonen gifft dat in Walle nich. Man en Oortsraat is dor just so togange, as en groot Schütten- un Sportvereen un de „Speelmannstog“. Bavenhen gifft dat noch den „Broderboom“. De steiht ööstlich vun den Oort in't Holt un en vun de velen Heidsagen vertellt över düssen Boom. Internatschonal bekannt is de Peertucht up den „Amselhoff“.
