PROFILBARU.COM

Steve Buscemi ([bʊˈʃɛmi]; * 13. Dezember 1957 in Brooklyn, New York City) is en US-amerikaanschen Film- un Bühnenschauspeler as ok Speelbaas. Dör sien bannig markante Mimik un Physiognomie warrt he faken för Rullen vun Lüüd sinsett, de neurotisch sünd oder anners en Tick hebbt. De vun em dorstellte Carl Showalter in den Film Fargo warrt mehrmols as „’n beten snaaksch“ beschreven. Dat is nipp un nau de Typus, för den he faken engageert warrt.

Leven un Wark

Na sien Afsluss an de Valley Stream High School hett Buscemi eerst as Möbeldräger, Iesverköper un Füerwehrmann arbeit. Blangento hett he Ünnerricht nahmen an dat renomeerte Lee Strasberg-Schauspeelstudio in New York. As Standup-Comedian un Performance-Künstler hett he eerste Insichten in dat Bühnenleven kregen. Bi een vun sien Optreden hett he ok sien latere Fro Jo Andres drapen.

Sien eersten Film speel Buscemi 1984 mit The Way It Is. De eerste gröttere Rull harr he twee johren later in dat AIDS-Filmdrama Parting Glances vun Bill Sherwodd, de em föddert hett. Na eenige lüttere Optreden in verschedene Feernsehregen un Filmen hett he 1990 in Miller’s Crossing to’n eersten mol mit Ethan un Joel Coen tosamenarbeit. Ünner jemehr Regie stünn he fiefmol vör de Kamera. Sien groten Dörbrook harr he 1992 mit Barton Fink vun de Coen-Bröder un sünners mit Reservoir Dogs, den eersten Film vun Quentin Tarantino. Siet de Tiet gellt he as een vun de gröttsten Stars vun’n Independent-Film un snaaksche Kummedien.

In de Mitt vun de 1990er Johren weer he in tallrieke Independent-Filmen to sehn, as to’n Bispeel in Pulp Fiction, Fargo oder The Big Lebowski. Sien grote Bekanntheit hett mööglich maakt, dat he nu ok in Mainstream-Produkschonen as Armageddon oder Con Air Rullen kreeg. Vele vun sien Fans weern em aver böös doröver. In’t Johr 1996 hett Buscemi dat Dreihbook to Trees Lounge schreven, bi den he ok Speelbaas weer. De Film weer bi de Filmfestspelen vun Cannes wiest.

Na de Terroranslääg vun’n 11. September 2001 hett he na mehr as 15 Johren wedder as Füerwehrmann arbeit, üm in Twölf-Stünnen-Schichten den Schutt vun Ground Zero an de Siet to rümen. Siet 2001 arbeit he as Speelbaas regelmatig in enkelte Episoden bi de spoodrieke US-Feernsehreeg The Sopranos mit.

Steve Buscemi is siet 1987 mit de Schauspelersche Jo Andres verheiraat. Se hebbt tosamen een Söhn.

Filmrullen (Utwahl)

Johr	Titel	Synchroonsnacker
1985	The Way It Is dt.: So wie es ist/Eurydice in den Avenuen
1986	Parting Glances dt.: Abschiedsblicke	Joachim Tennstedt
1987	Kiss Daddy Goodnight	Tobias Lelle
1987	Heart dt.: Heart of a Champion
1990	Tales from the Darkside: The Movie dt.: Geschichten aus der Schattenwelt	Reinhart Kuhnert
1990	Miller’s Crossing	Oliver Grimm
1991	Zandalee dt.: Zandalee – Das sechste Gebot	Udo Schenk
1991	Barton Fink	Benedikt Weber
1992	In the Soup dt.: In the Soup – Alles Kino	Uwe Büschken
1992	Reservoir Dogs dt.: Reservoir Dogs – Wilde Hunde	Udo Schenk
1992	CrissCross dt.: Criss Cross – Überleben in Key West	Frank Schaff
1993	Ed and His Dead Mother dt.: Hol’ die Mama aus dem Sarg!
1994	Pulp Fiction	Dietmar Wunder
1994	Airheads	Thomas Petruo
1994	Somebody to Love dt.: Liebe bis zum Tod
1995	Living in Oblivion dt.: Living in Oblivion – Total abgedreht	Udo Schenk
1995	Things to Do in Denver When You’re Dead dt.: Das Leben nach dem Tod in Denver	Michael Schernthaner
1996	Fargo dt.: Fargo – Blutiger Schnee	Thomas Petruo
1996	Trees Lounge dt.: Trees Lounge – Die Bar, in der sich alles dreht	Udo Schenk
1996	Kansas City	Wolfgang Jürgen
1996	Escape From L.A. dt.: Flucht aus L.A.	Santiago Ziesmer
1997	Con Air	Santiago Ziesmer
1998	The Big Lebowski	Torsten Sense
1998	Armageddon dt.: Armageddon – Das jüngste Gericht	Santiago Ziesmer
1998	Louis & Frank
2000	28 Days dt.: 28 Tage	Wolfgang Bahro
2001	Ghost World	Frank Röth
2001	Monsters, Inc., Stimm dt.: Die Monster AG	Martin Semmelrogge
2002	13 Moons
2002	Spy Kids 2: Island of Lost Dreams dt.: Spy Kids 2 – Die Rückkehr der Superspione	Santiago Ziesmer
2004	Home on the Range, Stimm dt.: Die Kühe sind los!	Gudo Hoegel
2005	The Island dt.: Die Insel	Santiago Ziesmer
2002-06	The Sopranos, Feernsehreeg dt.: Die Sopranos	Bernd Schramm Gerhard Hinze
2006	Monster House, Stimm	Freimut Götsch
2006	Delirious dt.: Blitzlichtgewitter	Santiago Ziesmer
2007	Interview	Udo Schenk
2007	I Think I Love My Wife dt.: Ich glaub, ich lieb meine Frau	Hans-Jürgen Dittberner
2008	Igor	Hans-Jürgen Dittberner
2009	John Rabe	Ilja Richter
2009	Saint John of Las Vegas
2010	The Chosen One
2010	Pete Smalls Is Dead
2013	The Incredible Burt Wonderstone dt.: Der unglaubliche Burt Wonderstone	Santiago Ziesmer
2014	Time Out of Mind	Santiago Ziesmer
2010-14	Boardwalk Empire, Feernsehreeg	Udo Schenk
2016	Norman	Tobias Lelle
2017	The Death of Stalin
2018	Nancy

Utteken

För sien Filmwark is Buscemi al meist 40 mol för Filmpriesen nomineert wesen, dorünner ok eenmol för den Golden Globe. Wunnen hett de Schauspeler bit hüüt 15 Priesen, ünner annern:

1993: den Independent Spirit Award in de Kategorie Best Nevendorsteller för Reservoir Dogs
1997: den Sant Jordi in de Kategorie Best utlännsch Schauspeler för Fargo
2002: den Chlotrudis Award in de Kategorie Best Nevendorsteller för Ghost World
2002: den CFCA Award in de Kategorie Best Nevendorsteller för Ghost World
2002: den Independent Spirit Award in de Kategorie Best Nevendorsteller för Ghost World
2002: den Sierra Award in de Kategorie Best Nevendorsteller för Ghost World
2002: den NSFC Award in de Kategorie Best Nevendorsteller för Ghost World
2002: den OFCS Award in de Kategorie Best Nevendorsteller för Ghost World
2005: den American Independents Award vun’t Philadelphia Film Festival