Steddörp (hoochdüütsch Steddorf) is en Dörp in de Gemeen Bienbüddel, in’n Landkreis Ülzen, Neddersassen. To den Oort höört de twee Delen Steddörp un Nee-Steddörp.
Geografie
De Naveröörd sünd Bienbüddel in’n Noorden, Bargdörp in’n Oosten, Varendörp un Riest in’n Süden un Grünewald, Nee-Riest un Eitzen in’n Westen.
De Bodden is vör allen sannige Geest un dat gifft twee Beken bi’n Oort, den Bienbüddler Möhlenbeek un den Krumbeek. De höögste Punkt is de Hoge Barg mit 50,8 m över de See.
Historie
Dat Dörp kummt 1252 as Stedthorpe toeerst in de Oorkunnen vör.
Nee-Steddörp hett sik von so üm 1900 af an an de Straat na Bienbüddel hen langs billt.
In’n Eersten Weltkrieg sünd teihn Soldaten ut Steddörp un Nee-Steddörp fullen oder vermisst un in’n Tweten 27[1].
Steddörp is 1967 Deel von de Samtgemeen Bienbüddel worrn un to’n 1. Juli 1972 bi de Gemeenreform in Neddersassen denn ganz Deel von de Eenheitsgemeen Bienbüddel worrn.
Inwahnertall
| Johr |
Inwahners
|
| 1824-00-001824[2] |
6 Füürsteden
|
| 1848-00-001848[3] |
91 Lüüd, 9 Hüüs
|
| 1880-00-001880[4] |
78
|
| 1910-12-011. Dezember 1910[5] |
187
|
| 1925-00-001925[6] |
229
|
| 1933-00-001933[6] |
214
|
| 1939-00-001939[6] |
225
|
| 1949-00-001949[4] |
433
|
| 2004-00-002004[4] |
789
|
Religion
Steddörp is evangeelsch-luthersch präägt un höört to dat Kaspel von de Michael-Kark in Bienbüddel.
Kultur
En Denkmaal för de Fullenen ut de twee Weltkrieg’ ut Bienbüddel un ümto steiht bi de St.-Michaelis-Kark in Bienbüddel.
Dat Dörpgemeenschopshuus is 2003 boot worrn.
Verenen
De Freewillige Füürwehr von Steddörp hett sik 1972 oplööst. Na disse Tied weer de Füürwehr von Bienbüddel för Steddörp mit tostännig.
Infrastruktur
Verkehr
Steddörp liggt an de Kreisstraat 20, de in’n Noorden bi Bienbüddel mit de Bundsstraat 4 verbunnen is un in’n Süüdwesten na Riest löppt. Lüttjere Straten gifft dat ans na Bargdörp un Nee-Riest.
Literatur
- Klaus Wedekind, Arbeitskreis Geschichte Bienenbüttels: Die Einheitsgemeinde Bienenbüttel und Ihre Ortsteile. 2004
- ↑ http://www.denkmalprojekt.org/dkm_deutschland/bienenbuettel_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 574: http://books.google.de/books?id=tG0AAAAAcAAJ&pg=PA574
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 98: http://books.google.de/books?id=eOI-AAAAcAAJ&pg=PA98
- ↑ a b c http://www.bienenbuettel.de/index.php?id=59
- ↑ http://www.gemeindeverzeichnis.de/gem1900/gem1900.htm?hannover/uelzen.htm
- ↑ a b c http://www.verwaltungsgeschichte.de/uelzen.html
