De Oort is in’n April 1958 von plautdietscheOoldkolonier-Mennoniten grünnt worrn, de ut de Bundsstaten Chihuahua un Durango in Mexiko inwannert sünd. Dat Rebeed weer vörher nich oorboor maakt un dor wüss Busch un Holt. De Mennoniten hebbt de Bööm mit Exen ümhaut un dor Ries, Mais un Sorghum anboot. Later is dor ok de Anbo von Grööntüüg so as Tomaten, Melonen, Gurken un Paprika tokamen un denn ok de Vehtucht un de Tucht von Broilers. De Gemeen besteiht ut mehr as 20 lüttjere Dörper, de bi de Mennoniten all egen Naams hebbt, buten de Mennoniten-Gemeen aver mehrstendeels blots as Camp 5 etc. betekent warrt.
De Minschen leevt vör allen as Buurnlüüd, Handwarkers un Mechanikers.
Inwahnertall
Üm 1960 rüm harr de Gemeen 728 Inwahners. Bet 1987 weer de Tall op 1966 wussen. För 2017 warrt de Tall op 3805 Lüüd estemeert.
