Sean Kelly as Feernsehkommentater bi de Tour de France 2009
Sean Kelly (* 24. Mai1956 in Waterford) is en ehmalger irisch Radrennfohrer. He weer en vun de spoodrieksten Klassikerjäger in de 1980er un 1990er Johren. He hörrt neben Stephen Roche to de best Fohrers vun Irland överhoopt.
Karriere
1977 wurr Sean Kelly Profi, nahdem he vun den franzööschen Sportfunktionär Jean de Gribaldy opdeckt wurrn weer. Sien Sprinterqualitäten hemm hüm fiev Deelstreckensiege as ok veermal dat Gröön Trikot bi de Tour de France inbrocht (1982, 1983, 1985 un 1989). Ebenfalls veermal hett he dat Punktetrikot bi de Vuelta a España haalt, de he as Allrounder 1988 sogor winnen kunn. Bi Deelstreckenrennen kunn Kelly buterdem 1983 un 1990 de Tour de Suisse för sück entscheeden as ok rekordträchtige söbennmal in Reeg dat „Rennen zur Sonne“ Paris–Nizza. Sean Kelly weer ok – wat ehrder selten för en Sprinter is – en bannig stark Tietfohrer, so wunn he 1986 ok den Grand Prix des Nations.
An' meesten Spood harr Kelly aber bi Eendagsrennen. He so veer vun fiev so nömmt Monumente des Radsports mehrmals winnen:
Sien beindrucken Konstanz speegel sück ok in de Radsport-Weltranglist wedder, de Kelly siet deren Inführen 1984 över fiev Johr ahn Ünnerbreeken anführen dee.
Doping
1984 wurr Sean Kelly bi dat Rennen Paris–Brüssel wegen Doping mit Pemolin vun den belgischen Verband för een Maand sparrt un mit en Geldstraaf vun 1000 Swiezer Franken beleggt.[1]
