Samtgemeen Solzhusen

Wapen/Flagg	Koort
Basisdaten
Sitt:	Solzhusen
Landkreis:	Horborg
Flach:	148,12 km²
Inwahners:	14.434 (31. Dezember 2016)
Geograafsche Laag:	53° 14′ N, 10° 10′ O
Grenzen bi OSM:	252892
Gemeenslötel:	03 3 53 5405
Tall Gemenen:	8
SG-Börgermeester:	Wolfgang Krause
Websteed:	www.salzhausen.de
Koort Kreis Laag von de Gemeen Samtgemeen Solzhusen in’n Landkreis Horborg (Koort lett sik anklicken)

De Samtgemeen Solzhusen is en Samtgemeen in’n Landkreis Horborg, in de sik acht Gemenen för dat Afwickeln von de Verwaltenssaken tohoopslaten hebbt. Se hett 14.434 Inwahners (Stand 31. Dezember 2016).

Geografie

De Samtgemeen liggt in’n Süüdoosten von’n Landkreis Horborg an de Grenz na’n Landkreis Lümborg.

Se grenzt in’n Noorden an de Gemeen Winsen, in’n Noordoosten an de Samtgemeen Bewick, in’n Oosten an de Samtgemeen Gellsen, in’n Süüdoosten an de Samtgemeen Amelkusen (de letzten dree in’n Landkreis Lümborg) un in’n Westen an de Samtgemeen Hanstää.

Historie

De Samtgemeen is an’n 1. Juli 1972 mit de Gemeenreform in Neddersassen billt worrn. Se bestünn toeerst ut de teihn Gemenen Eyndörp, Garlstörp, Gastää, Gö’nstörp, Solzhusen, Soosdörp, Toppenstää, Veerhöben, Wetzen un Wulfsen. De beiden Gemenen Soosdörp un Wetzen sünd aver al an’n 1. März 1974 von’n Landkreis Horborg in’n Landkreis Lümborg wesselt un weren dormit nich mehr Deel von de Samtgemeen Solzhusen. Soosdörp is in’n Landkreis Lümborg as Gemeen bestahn bleven, de Gemeen Wetzen aver is oplööst worrn un is nu Deel von de Gemeen Olndörp.

Inwahnertall

Johr	Inwahners[1]
1972-12-3131. Dezember 1972	9.182
1977-12-3131. Dezember 1977	9.968
1982-12-3131. Dezember 1982	10.245
1987-12-3131. Dezember 1987	10.269
1992-12-3131. Dezember 1992	11.374
1997-12-3131. Dezember 1997	12.496
2002-12-3131. Dezember 2002	13.299
2007-12-3131. Dezember 2007	13.982
2012-12-3131. Dezember 2012	14.046
2017-12-3131. Dezember 2017	14.400

Politik

To de Samtgemeen höört de acht Gemenen:

1. Gemeen Eyndörp
2. Gemeen Garlstörp
3. Gemeen Gastää
4. Gemeen Gö’nstörp
5. Gemeen Solzhusen (Sitt von de Verwalten)
6. Gemeen Toppenstää
7. Gemeen Veerhöben
8. Gemeen Wulfsen

Samtgemeenraad

Samtgemeenraad

Johr \ Partei	Tall	CDU	SPD	Gröne	FDP	UWG
2001	31	14	10	1		6
2006	30	11	9	1	2	7
2011	30	11	8	4	1	6
2016	30	11	8	3	1	7

Liddmaten:

• 2016:

  As Börgermeester: Wolfgang Krause

  CDU: Eckhard Domnick, Christian Forker, Helmut Gehrke, Markus Hellwig, Stefan Isermann, Lars Jaap, Horst-Günter Jagau, Thomas Kaiser, Michael Klaproth, Bernhard Müller, Christiane Oertzen

  SPD: Marvin Arndt, Markus Beecken, Jürgen Beyer, Kurt Haupt, Hella Christina Hinsch, Burkhard Schaedel, Linda Schmiedebach, Kurt Wenzel

  UWG: Michael Albers, Sven Kraft, Norbert Lühmann, Elisabeth Mestmacher, Angela Meyn, Heinrich Nottorf, Andreas Will

  Gröne: Hans-Joachim Abegg, Joachim Bartels, Hilke Beer (för ehr is an’n 30. März 2017 Günter Gajewsky narückt)

  FDP: Wolff-Dietrich Botschafter

Samtgemeenbörgermeesters

Börgermeester	Tied	Partei
Otto Gellersen	1. Juli 1972–1986	CDU
Cord Cordes	1986–2001	CDU
Hans-Hermann Putensen	2001–2011	CDU
Wolfgang Krause	2011–	ahn Partei

Samtgemeendirekters

Samtgemeendirekter	Tied
Klaus Boenert	1. Juli 1972–1992
Ulrich Magdeburg	1992–31. Juli 2004

Wapen un Flagg

Dat Wapen von de Samtgemeen wiest op gollen Grund en ünnen en Spitz mit gollen Grund un en roden Toorn mit blau Dack dor op. Baven vörn en swart Möhlenrad mit twölv Speken un baven achtern en swart Peerd, dat de Vörbeen hoogböhrt.

Partnerschoppen

De Samtgemeen hett 2000 en Partnerschop mit Biały Bór in Polen slaten.

Footnoten

1. Daten von dat Landsamt för Statistik Neddersassen

Weblenken

Samtgemeen Solzhusen. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Samtgemeen (hoochdüütsch)

Samtgemenen in’n Landkreis Horborg

Elvmasch | Hanstää | Hullnst | Jesborg | Solzhusen | Töst