Richard Sanderson

Sanderson in dat Johr 2013

Richard Sanderson (* 5. März 1953 in Taplow) is en schottischen Singer.

Sanderson is de Söhn vun en Schotten un en Franzöösche. Al in’t Öller vun fief Johren hett he Ünnerricht an’t Klavier kregen un lehr mit föffteihn Johren Gitarr to spelen. Mit 21 Johren hett he denn sien egene Musikgrupp grünnt, mit de he dör Hotelbars tingelt is. Bekannt worrn is Sanderson mit dat Leed Reality, dat vun Vladimir Cosma kompneert un produzeert worrn is. Dat Leed is dat bedüdenste ut den Film "La Boum" un is to’n Stahblues-Hymne för Generatschonen vun Teenagers worrn, siet de Film 1980 rutkamen is. Reality weer de eenzige grote Hit vun Sanderson. As he rutkamen is, keem he blots op den 20 Rang vun de düütschen Charts. Eerst as de Film 1987 to’n eersten mol in’t Feernsehn wiest worrn is, is dat Leed noch mol wedder publizeert worrn un keem denn op’n eersten Platz vun de düütschen Charts. Weltwiet sünd vun dat Leed acht Millionen Toondrägers verkööft worrn.

Vundaag vertoont Sanderson histoorsche Filmen un maakt CDs mit Klezmer-Musik. He leevt mit sien Fro un sien dree Döchter in de Neeg vun Paris.

Weblenken

• Websteed vun Richard Sanderson