Richard John Roberts

Richard John Roberts

Sir Richard John Roberts (* 6. September 1943 in Derby, Derbyshire) is en britisch-amerikaaansch Biochemiker un Molekularbioloog.

1993 kreeg he gemaansam mit Phillip Allen Sharp den Nobelpries för Physiologie oder Medizin „für ihre Identifizierung des diskontinuierlichen Aufbaus einiger Erbanlagen von Zellorganismen“.[1] Diss Mosaikgene enthollen so nöömt Intron-Afsnitte, de nich för Proteinafsnitte codeeren, sonnern bi’d Spleißen vun den Primärtranskript entfernt wurrn. Dat kann up verscheeden Oort un Wies passeeren, so dat identische DNA-Afsnitte verscheeden Proteine codeeren können.

Leven

Richard („Rich“) Roberts weer dat eenzige Kind vun Edna (borene Allsop) un John Roberts, en Automechaniker. As he veer Johr olt weer, truck de Familie nach Bath, wo he de St. Stephen‘s School un de City of Bath Boys' School besöcht hett. Fröh kreeg he sien eerst Chemiebaukasten, woruphen he Chemiker wurrn wull. Roberts kreeg 1965 an de University of Sheffield en Bachelor in Chemie un kreeg hier 1969 mit en Arbeit över Neoflavonoide sien Doktertitel. En Book vun John Kendrew hett hüm dorto brocht, sück de Biochemie totowennen.

He hett en Angebot vun John Strominger, Perfesser för Biochemie un Molekularbiologie an de Harvard University, annommen, wo he de Upgaav harr, en tRNA to sequenzeeren un ok de Biosynthese vun de Zellwand vun Bakterien studeeren dee.[2] Wiels de veer Johr in Boston harr he de Gelegenheit för veer Week dat Labor vun Frederick Sanger in Cambridge to besöken, um hier de Methood vun de RNA-Sequenzierung to lehrn.

1972 hett he en Angebot vun James Dewey Watson an dat Cold Spring Harbor Laboratory to forschen annommen. Hier hörr he in en Vördrag vun Daniel Nathans vun de Isoleeren vun dat eerste Restriktschonsenzym, Endonuclease R, un hett de Bedüüden vun dat un tallriek wiedere noch optodecken Restriktschonsenzyme för de Molekularbiologie sehn. In sien Labor hett he mehr as 100 Restriktschonsenzyme opdeckt un isoleert.[3] Siet 1974 weer he Berader un Chairman vun dat Scientific Advisory Boards vun de privat Biotechnologie-Firma New England Biolabs. Tosommen mit Phil Sharp hett he en Kartierung vun de DNA vun dat Adenovirus-2 herutbrocht, en Arbeit, de to dat Opdecken vun de split genes führen dee.[4] Elektronenmikroskopische Upnahmen hemm de ungewöhnliche Genstruktur un dormit dat Opdecken vun en nee Mechanismus vun de Ad2 mRNA Synthese in Suugerzellen bestätigt.[5] De Opdecken vun Roberts, dat en individuelle mRNA vun DNA in trennt Segmenten, den Exons, codeert wurrd, is en Mielensteen in de Genetik un in dat Verständnis vun de molekularen Grundlagen vun de Evolutschoon vun Eukaryonten. Dat vun hüm opdeckt Alternativ Spleißen bedüüd, dat en Gen ünnerscheedlich Proteine codeeren kann.

1992 wurr he Chefwetenschapler (CSO) bi New England Biolabs, Bedriever vun de Restriktschonsenzym-Datenbank REBASE.[6][7] Hier erforscht he wiederhen Restriktschonsenzyme un Methyltransferasen. De Scopus-Datenbank list hüm as Schriever vun mehr as 250 wetenschaplich Artikeln.

Roberts hörrt de Brights-Bewegung an. He is verheiraadt un hett veer Kinner. 1992 kreeg he de Ehrendokterwürde vun de Universität Uppsala un 1994 vun de Universität Bath.[8][9] 1995 wurr he to’n Fellow vun de Royal Society nöömt un to’n Liddmaat vun de European Molecular Biology Organization EMBO wählt.1997 wurr he in de American Academy of Arts and Sciences un de American Academy of Microbiology upnommen. 2007 wurr he för sien Bidrag to dat Opdecken vun dat Spleißen un för sien Studien to de Struktur un Genetik der Restriktschonsenzyme mit de Gabor Medal vun de Royal Society uttekent. 2008 wurr he to’n Knight Bachelor nömmt för sien Verdeensten för de Molekularbiologie un de Wetenschap in dat Vereenigt Könikriek. 2021 kreeg he de Lomonossow-Goldmedaille vun de Russisch Akademie vun de Wetenschapen.[10] 2023 wurr he in de National Academy of Sciences wählt.

En Utwietenbau vun de chemischen Fakultät an de University of Sheffield un de, ok mit sien finanziell Ünnerstütten, moderniseert wetenschapliche Trakt vun de Beechen Cliff School (ehmals City of Bath Boys' School) wurrn nah hüm nöömt.

Insetten för Golden Ries

Roberts sett sück för dat Tolaaten vun gentechnisch verännert Planten in Entwicklungslännern in.[11] He hett en apen Breef to de Gröön Gentechnik up den Weg brocht,[12] in den 2016 tonächst 107 Nobelpriesdräger, de Nichtregeerensorganisatschoon Greenpeace för deren kritisch Hollen to den gentechnisch verännerten Golden Ries kritiseeren deen.[13] Intüschen (2023) wurr de Breef vun 160 Nobelpriesdrägern ünnerschreven.[14]

Richard John Roberts. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen

  1. ↑ Indrag up de Sieden vun den Nobelpries (engelsch)
  2. ↑ R. J. Roberts: Staphylococcal transfer ribonucleic acids. II. Sequence analysis of isoaccepting glycine transfer ribonucleic acids IA and IB from Staphylococcus epidermidis Texas 26. In: The Journal of biological chemistry. Band 249, Nummer 15, August 1974, S. 4787–4796, PMID 4367807.
  3. ↑ Sir Richard John Roberts - College of Science. In: northeastern.edu. 1. Mai 2014, afropen an’n 6. November 2016 (engelsch).
  4. ↑ C. Mulder, J. R. Arrand, H. Delius, W. Keller, U. Pettersson, R. J. Roberts, P. A. Sharp: Cleavage maps of DNA from adenovirus types 2 and 5 by restriction endonucleases EcoRI and HpaI. In: Cold Spring Harbor symposia on quantitative biology. Band 39 Pt 1, 1975, S. 397–400, PMID 1057470.
  5. ↑ L. T. Chow, R. E. Gelinas, T. R. Broker, R. J. Roberts: An amazing sequence arrangement at the 5' ends of adenovirus 2 messenger RNA. In: Cell. Band 12, Nummer 1, September 1977, S. 1–8, PMID 902310.
  6. ↑ New England Biolabs: Leadership – NEB. In: neb.com. Afropen an’n 6. November 2016 (engelsch).
  7. ↑ R. J. Roberts, T. Vincze, J. Posfai, D. Macelis: REBASE--a database for DNA restriction and modification: enzymes, genes and genomes. In: Nucleic Acids Research. 43, 2015, S. D298, doi:10.1093/nar/gku1046.
  8. ↑ Honorary doctorates - Uppsala University, Sweden. In: uu.se. Afropen an’n 5. November 2016 (sweedsch).
  9. ↑ Honorary Graduates 1989 to present – University of Bath. (Nich mehr online verföögbor.) In: bath.ac.uk. Archiveert von dat Original am 19. Dezember 2015; afropen an’n 5. November 2016 (engelsch).
  10. ↑ Lomonossow-Goldmedaille 2021(russisch)
  11. ↑ Juliette Irmer: Grüne Gentechnik: „Greenpeace hat versagt“. In: FAZ.NET. ISSN 0174-4909 (faz.net [afropen an’n 7. Juli 2018]).
  12. ↑ Laureates Letter Supporting Precision Agriculture (GMOs) | Support Precision Agriculture. Afropen an’n 7. Juli 2018.
  13. ↑ Offener Brief an Greenpeace: 107 Nobelpreisträger fordern ein Ende der Anti-Gentechnik-Kampagne. In: Trends der Zukunft. (trendsderzukunft.de [afropen an’n 7. Juli 2018]).
  14. ↑ Laureates Supporting Precision Agriculture (GMOs) | Support Precision Agriculture. Afropen an’n 22. April 2023.

Strategi Solo vs Squad di Free Fire: Cara Menang Mudah!