Punta Gorda (Islas de la Bahía)

Punta Gorda in dat Municipio José Santos Guardiola

Punta Gorda is en Oort (Aldea) op dat Eiland Roatán (Islas de la Bahía) in dat Municipio José Santos Guardiola, Departamento Islas de la Bahía, Honduras. De Inwahnertall weer bi’n Zensus 2013 1875.^[1]

Geografie

De Oort liggt an de Noordküst von Roatán an de Karibische See mit Krallenriffs von dat Maya-Riff.

De Naveröörd sünd Diamond Rock un Camp Bay in’n Oosten, Oak Ridge un Calabash Bight in’n Süüdoosten, Jonesville Point in’n Süden un Pollytilly Bight in’n Süüdwesten.

Historie

Punta Gorda is de öllste Oort op Roatán un is grünnt worrn, as de Briten en grote Grupp Garifuna ut St. Vincent över Baliceaux na Roatán deporteert hebbt. In Punta Gorda gifft dat dorüm ok en Statue von Satuyé, de en Garifuna-Anföhrer op St. Vincent weer.

Weertschop un Infrastruktur

Wichtig för de Weertschop sünd de Fischeree un de Tourismus.

Verkehr

Von Punta Gorda föhrt Straten na Camp Bay in’n Oosten, Oak Ridge in’n Süden un na French Harbour un Coxen Hole in’n Süüdwesten. Aver ok de Verkehr per Boot is wichtig.

De nächste Flegerhaven is de Juan Manuel Gálvez International Airport bi Coxen Hole.

Footnoten

1. Zensusdaten 2013

Koordinaten:16° 25′ N, 86° 22′ W