Ochenhusen (hoochdüütsch Ober Ochtenhausen) is en Dörp in de Gemeen Sandbossel in’n Landkreis Rodenborg, Neddersassen. De Oort liggt an de Oost.
To den Oort höört ok de lüttjeren Öörd Falje, Olenborg, Stoppelheid un Hütten mit bi.
Geografie
In’n Süüdwesten von Ochenhusen münnt de Sürser Beek in de Oost.
De Naveröörd sünd Sandbossel in’n Noorden, Bevern, Plönjeshusen un Deins in’n Noordoosten, Rohr in’n Oosten, Sürsen un Granst in’n Süüdoosten, Rocks in’n Süden, Rhaar un Glins in’n Süüdwesten, Augussendorp in’n Westen un Heinrichsdörp un Immenhain in’n Noordwesten.
Historie
Von 1555 bet 1765 hett dat in Ochenhusen dat Good Ochenhusen geven.
In’n Eersten Weltkrieg sünd ölven Soldaten ut Ochenhusen fullen oder vermisst un in’n Tweten 36[1].
Ochenhusen is 1974 Deel von de Gemeen Sandbossel worrn. De Gemeen Ochenhusen weer von 1965 bet 1974 Deel von de Samtgemeen Sürsen. De is 1974 oplööst worrn un dor is de ne’e un gröttere Samtgemeen Sürsen billt worrn, to de de Oort sietdem tohöört.
Inwahnertall
| Johr |
Inwahners
|
| 1824-00-001824[2] |
18 Füürsteden
|
| 1848-00-001848[3] |
174 Lüüd, 29 Hüüs
|
| 1910-12-011. Dezember 1910[4] |
227
|
| 1925-00-001925[5] |
271
|
| 1933-00-001933[5] |
281
|
| 1939-00-001939[5] |
267
|
Religion
Ochenhusen is evangeelsch-luthersch präägt un höört to dat Kaspel von de Lamberti-Kark in Sürsen.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
In Ochenhusen steiht en Denkmaal för de Fullenen ut de twee Weltkrieg’.
Ochenhusen hett 1998 bi’n Weddstried Uns Dörp schall schöner warrn en Goldmedallj wunnen.
Infrastruktur
Verkehr
Ochenhusen liggt an de Kreisstraat 101, de in’n Noorden na Sandbossel löppt un in’n Süüdoosten na Sürsen.
De nächste Bahnhoff is de Banhoff Bremervöör an de Bahnlien Bremerhoben–Buxthu.
Literatur
- Ober Ochtenhausen: Geschichte des Dorfes. 2005
- Michael Ehrhardt: Ober Ochtenhausen. Band I Geschichte des Dorfes 2005 Band II Geschichte der Höfe, Häuser und Familien. 2004
- ↑ http://www.denkmalprojekt.org/2009/sandbostel-ober_ochtenhausen_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 454: http://books.google.de/books?id=tG0AAAAAcAAJ&pg=PA454
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ a b c http://www.verwaltungsgeschichte.de/bremervoerde.html
