Moritz Jahn (* 27. März 1884 in Lelendaal; † 19. Februar 1979 in Geismar) weer en plattdüütschen Schriever.
Jahn is 1884 in Lelendaal boren un in Linden opwussen. He weer 1901 bet 1904 op dat Lehrerseminar in Hannober un hett denn as Lehrer an ene Volksschool arbeidt. 1906 bet 1921 hett he in de Lehrerutbillung in Auerk un Melle lehrt. He hett vun 1921 af an bet 1925 blangenbi Germanistik un Kunstgeschicht studeert. Bet 1943 weer he Schoolmeester un hett tolest siet 1921 as Rekter in Geismar arbeidt. Na 1943 weer he denn in Rohstand un hett sik ganz dat Schrieven towennt.
Jahn siene Böker weren vör allen Lyrik, Balladen, Märken un Vertellsels.
Priesen un Ehrungen
1936 hett Jahn tohoop mit Alma Rogge un Wilhelm Scharrelmann den Literaturpries vun de Provinz Hannover kregen. 1941 kreeg he den Mekelbörgschen Schriftdomspries. 1944 hett em de Philosophsche Fakultät vun de Georg-August-Universität in Göttingen den Ehrendokter geven.
1959 hett Jahn den Fritz-Reuter-Pries un 1958 den Klaus-Groth-Pries kregen. Ok de Ehrenmedallje vun de Stadt Göttingen hett he kregen un de Oostfreesche Landschop hett em dat oostfreesche Indigenat tokennt. Ok dat Grote Bundsverdeenstkrüüz harr he kregen.
Siet 1981 steiht in Geismar an’n Thieplatz en Gedenksteen för Jahn. Ok dat Gemeendehuus in Geismar is na em nöömt.
Warken
- Die Geschichte von den Leuten an der Außenföhrde. Junge Generation Verlag, Berlin 1930
- Boleke Roleffs. Eine niederdeutsche Erzählung. Spielmeyer, Göttingen 1930
- Unkepunz.Ein deutsches Gesicht. Spielmeyer, Göttingen 1931
- Frangula oder Die himmlischen Weiber im Wald. Reclam, Leipzig 1933
- Uhlenspegel un Jan Dood - niederdeutsche Gedichte. Verlag Westphal, Lübeck 1933
- Im weiten Land. Langen Müller, München 1938
- Die Gleichen. Langen Müller, München 1939
- Das Denkmal des Junggesellen. Eine harmlose Geschichte. Langen Müller, München 1942
- Moritz. Das Denkmal des Junggesellen. Eine harmlose Geschichte. Bertelsmann, Gütersloh 1948
- De Moorfro. Verlag der Fehrs-Gilde, Hamborg 1950
Weblenken
