De Dochter vun vietnameesche Inwannerers füng ehr Feernseh-Karrier as Moderatorin bi den Senner Kabel1 (1994, „Hugo“) an un wörr denn bi den Musiksenner VIVA en breed Publikum bekannt.
Ehr Debüt as Schauspelersche harr se 1997 in’n Feernsehfilm „Jagdsaison“. In’t Kino weer se na ene Gastrull in den Film Sonnenallee ünner annern in de Filmen „99 Euro Films“ un „Planet der Kannibalen“ to sehn.
In’n Januar 2003 schreev se denn dat Dreihbook un weer Speelbaas bi en Projekt, dat ehr temlich an’t Hart leeg, den Dokumentarfilm „Mein Vietnam – Land und kein Krieg“ över ehr tweede Heimat Vietnam un de Situatschoon in dat Land.
