Chalfie hett 1977 an de Harvard University sien Doktertitel in Physiologie makt. 1982 wurr he außerordentlich Perfesser för Biologie an de Columbia University. Later wurr he William-R.-Kenan-Jr.-Perfesser för Biologie an de glieker Universität.
Chalfie hett up dat Rebeet vun de Telldifferenzeeren warkt. Besünners interessert he sück för de Entwicklung un Funktschoon vun Nerventellen, de he an dat Bispeel vun den Fadenwürm Caenorhabditis elegans ünnersöcht hett. Buterdem entwickel he nee experimentelle Methoden för disse Ünnersöken. So kunn he 1994 dat Gen vun dat gröön fluoreszeeren Protein eerstmals buterhalv vun de Qualle Aequorea victoria to Expression bringen.[1] Dat weer de Dörbröök vun dat Protein as en genetisch Marker.
Chalfie is mit Tulle Hazelrigg verheiraadt, de ok en Professur an de Columbia University innehett, un hett een Dochter.
Schriften
Martin Chalfie und Steven Kain: Green Fluorescent Protein. Properties, Applications and Protocols. 2. Uplaag, Wiley & Sons, Hoboken 2006, ISBN 0-471-73682-1
↑M. Chalfie, Y. Tu, G. Euskirchen, W. W. Ward, D. C. Prasher: Green fluorescent protein as a marker for gene expression. In: Science. Band 263, 1994, S. 802–805
