Mario Castellanos (Politiker)

Mario Castellanos is en Politiker ut Belize (PUP).

Bi de Parlamentswahl in Belize 2003 weer he Kannedaat för de PUP in’n Wahlkreis Cayo Zentraal un hett de Wahl mit 50,31 % von de Stimmen gegen Rene Jaime Montero von de UDP un den unafhängigen Eduardo Juan wunnen. Bi de Wahl 2008 weer he in’n sülven Wahlkreis Kannedaat, kunn sik aver mit 33,90 % von de Stimmen nich dörsetten. He keem op’n tweten Platz achter Montero von de UDP un vör George Boiton Jr. von de NRP.

Dormit weer he von 2003 bet 2008 Afornten von dat Repräsentantenhuus von Belize. He is an’n 14. Juli 2005 ünner Premierminister Said Musa Staatsminister in dat Butenministerium ünner Minister Godfrey Smith worrn.^[1]

An’n 12. April 2006 is he as Staatsminister in dat Ministerium för Natschonale Entwicklung ünner Minister Mark Espat wesselt, is aver al en poor Daag later, an’n 18. April 2006, in dat Ministerium för Bueree un Fischeree ünner Minister Juan Vildo Marin versett worrn.^[2] Later is he denn aver doch wedder Staatsminister för Natschonale Entwicklung worrn un dat bet to de Wahl 2008 bleven.

Footnoten

1. Adele Ramos: Assad, Marcial and Servulo are out!, Amandala an’n 13. Juli 2005
2. More Ruffled Feathers in Musa's Cabinet, 7 News Belize an’n 19. April 2006