Marcus Belgrave

Marcus Belgrave (* 12. Juni 1936 in Chester, Pennsylvania; † 23. Mai 2015^[1] in Ann Arbor) weer en US-amerikaansch Trompter vun den Modern Jazz.

De in Detroit levend Belgrave speel mit 18 Johren bi Ray Charles. Later henn hett he mit Max Roach, Charles Mingus, Ella Fitzgerald, Bud Powell, Tony Bennett, Sammy Davis Jr., Dizzy Gillespie un John Sinclair arbeit. Siet 1988 is he fast Liddmaat in Wynton Marsalis sien Lincoln Jazz Orchestra. He is up nicht mehr to tellen Jazzalben to hören. Buterdem is he Inspiration un Förderer vun Musikers ut de jüngere Generation as etwa Kenny Garrett, Regina Carter, James Carter, Geri Allen, Bob Hurst un Carlos McKinney. He weer an Upnahmen vun Charles Mingus, Gunther Schuller, George Gruntz, Geri Allen, Carl Craig, Cecil Payne un David Murray bedeeligt, hett aber ok as Studiomusiker för Motown Records, Blue Note Records oder Tribe Records arbeit.

Belgrave, de mit de Singerin Joan Bow Belgrave verheiraadt is, lehrt bi de Stanford Jazz Workshop un is totiet (2008) Gastperfesser an dat Oberlin Conservatory.

Marcus Belgrave wurr 2009 to’n Kresge Eminent Artist ernannt, en Ehr, de vun en Priesgeld vun 50.000 US-Dollar begleit wurrd. Mit de Pries wurrd sien künstlerisch Levensleistung as ok sien Aktivitäten as Lehrer uttekent.

Diskographisch Henwiesen

• M. Belgrave, Doc Cheatham, Art Hodes: In the Tradition (2002)
• M. Belgrave: Gemini II (1974)

Lexigraphisch Indrag

• Richard Cook's Jazz Encyclopedia. London 2006

Weblenken

• Webpräsenz
• Oberlin

Enkeld Nahwiesen

1. Nahroop in The Detroit News