Lütt Thun

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Stood
Inwahners:
Postleettall:	21680
Vörwahl:	04141
Geograafsche Laag:	Koordinaten:53° 35′ N, 9° 27′ O53° 35′ N, 9° 27′ O

Lütt Thun (hoochdüütsch Klein Thun) is en Oort in de Gemeen Stood in’n Landkreis Stood, Neddersassen.

Geografie

Lütt Thun liggt op de Geest an’n Rand von de Maschen langs de Swing un op dat rechte Över von’n Heidbeek.

De Naveröörd sünd Stood in’n Noorden, Kamp in’n Noordoosten, Ottenbeek in’n Oosten, Riensföör in’n Süüdoosten, Barg in’n Süden, Groot Thun in’n Süüdwesten, Wiepenkathen in’n Westen un Parlbarg in’n Noordwesten.

Historie

Bi Lütt Thun hebbt se von 1934 af an den Flegerhorst Stood boot.

Vondaag hett de Stadt Stood Lütt Thun kumplett slaken un dat is nu een von de Vöroord-Wahnrebeden von Stood.

Inwahnertall

Johr	Inwahners
1793-00-001793[1]	5 Füürsteden*
1824-00-001824[2]	5 Füürsteden*
1848-00-001848[3]	34 Lüüd, 6 Hüüs*
1871-12-011. Dezember 1871[4]	47 Lüüd, 9 Hüüs*

* tohoop mit Groot Thun

Religion

Lütt Thun is evangeelsch-luthersch präägt un höört bi dat Kaspel von de Johannis-Kark. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

Infrastruktur

Verkehr

Von Lütt Thun loopt Straten in’n Noordoosten na Stood rin un an de Bundsstraat 73 ran.

Na Westen to is de Verkehr dör de Swing afsperrt. Blots en Brügg för Footgängers un Radfohrers löppt dor röver, över de een na Wiepenkathen kummt.

De nächste Bahnhoff is de Bahnhoff Stood an de Nedderelvbahn, de so bi dree Kilometer wied weg in’n Noordoosten liggt.

Footnoten

1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 228: https://books.google.de/books?id=jN5QAAAAcAAJ&pg=PA228
2. C. H. Jansen: Statistisches Handbuch des Königreichs Hannover. 1824, Sied 600: http://books.google.de/books?id=tG0AAAAAcAAJ&pg=PA600
3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141