PROFILBARU.COM

Daten to dat Steernbild Loss
Naam	Loss
Latiensch Beteken	Lynx
Latiensch Genitiv	Lyncis
Latiensch Afkörten	Lyn
Laag	Noordhimmel
Rektaszension	6h 16m bit 9h 43m
Deklinatschoon	+32° 58´ bit +61° 58´
Flach	545 Quadratgrad
Woneem to sehn	90° Noord bit 38° Süüd
Wanneer to sehn (in Düütschland)	dat hele Johr
Tall vun de Steerns mit Magnitude < 3^m	0
Hellste Steern, Magnitude	α Lyncis, 3,13^m
Meteorströöm
Naversteernbiller (von Noord in’n Klockenwiesensinn)	Giraff Föhrmann Tweeschen Kreeft (Lööv) Lütt Lööv Groot Boor

De Loss (vun’t greeksche λύγξ; latieniseert Lynx) is en teemlich swack Steernbild an’n Noordhimmel.

Utsehn

De Loss besteiht un en Reeg vun lichtswacke Steerns, vun de blots de hellste, α Lyncis, ruchweg de drüdde Gröttenklass hett. An’n Himmel is de Loss swoor to finnen: he befinnt sik in een teemlich steernarm Rebeet twüschen den Groten Boor un de Tweeschen. De nöördliche Deel vun’t Steernbild is zirkumpolar.

Historie

Dat Steernbild weer vun den Astonrom Johannes Hevelius ut Danzig an’n Himmel inföhrt un is 1690 to’n eersten mol in sien Himmelsatlas opduukt. As John Flamsteed Anfang vun’t 18. Johrhunnert de Steerns dörtellt hett, geev dat vun dat Steernbild noch keen akkerat fastleggte Grenzen. De sünd eerst 1930 vun de Internatschonale Astronoomsche Union (IAU) fastleggt worrn. En poor Steerns, de vun dat oorsprüngliche Steernbild to wiet weg legen, sünd dorbi annere Steernbiller towiest worrn. So kummt dat, dat de Steern 10 UMa vundaag in’n Loss steiht. Anners rüm steiht de Steern 41 Lyn vundaag in’n Groten Boor.

Objekten

Steerns

B	F	Naams o. annere Beteken	Grött	Lj	Spektralklass
α	10		3,13^m	203 ± 2	K7 III
		HR 3579	3,97^m
	31	Alsciaukat	4,25^m	389	K4,5 III

Dubbelsteerns

System	Grötten	Afstand
15	4,45^m/5,50^m/10,74^m/12,2^m	0,6″/39,8″/186,6″
38	3,82^m/6,4^m	2,7″

15 Lyncis is een Veerfacksteern. De beiden hellsten Kumponenten A (4,45) un B (5,50) staht blots 0,6″ ut’nanner un sünd blots mit en groot Teleskop to scheden. De beiden swacken Kumponenten C (12,2) un D (10,74) staht 39,8″ un 186,6″ wiet weg vun de Hööftkumponente. 38 Lyn kann al mit en lütt Teleskop oplööst warrn. Dat System is ruchweg 120 Lichtjohr wiet weg vun uns Sünnsystem.