Langenhoff (hoochdüütsch Langenhof) is en Hoff in de Gemeen Wuster Noordseeküst in’n Landkreis Cuxhoben, Neddersassen. Dat höört to den Oort Spieker Neefeld mit to.
Geografie
Langenhoff liggt in dat Neefeld von Land Wusten. De Hauptdiek liggt so bi 400 Meter un de Küst von de Noordsee üm un bi een Kilometer wied weg in’n Noordwesten.
Langenhoff is Deel von’n Oort Spieker Neefeld. De annern Hööv sünd Schöönoort, Halvmaand un Pompdamm in’n Noordoosten un de Liether Hoff in’n Süüdwesten. De Öörd ümto sünd Berensch un Ox in’n Noordoosten, Noordholt in’n Oosten, Dieksenn, Spieker Olendiek un Spiek in’n Süüdoosten un Cappeler Neefeld in’n Süüdwesten.
Historie
Verwaltungsgeschicht
De Oort hett von 1739 bet 1819 to dat Amt Noordholt tohöört, denn bet 1852 to dat Vaagdiegericht Land Wusten un von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. Juli 1968 hebbt sik de Gemenen Cappeler Neefeld, Spiek un Spieker Neefeld to een Gemeen tohoopslaten, de mit de Gemeenreform in Neddersassen an’n 1. März 1974 denn Deel von de Gemeen Noordholt worrn is.
To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn. Dat Rebeed von de vörherige Gemeen Noordholt billt nu de polietsche Oortschop Noordholt binnen de Gemeen Wuster Noordseeküst.
Inwahnertall
| Johr |
Inwahners
|
| 1871-12-011. Dezember 1871[1] |
12 Lüüd, 1 Huus
|
Religion
Langenhoff is evangeelsch-luthersch präägt un höört to dat Kaspel von de Georg-Kark in Spiek.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Weertschop un Infrastruktur
Verkehr
De Langenhoff is över’n Dömanenweg verbunnen mit de Kreisstraat 73, de von Spieker Neefeld in’n Süüdoosten na Spieker Olendiek an de K 68 ran geiht. De K 68 geiht in’n Süüdwesten na Spiek un in’n Oosten na Noordholt un is dor an de Landsstraat 135 anslaten.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt so ölven Kilometer in’n Süüdoosten von Langenhoff an de K 14.
De nächste Bahnhoff is so bi fiev Kilometer wied weg in’n Oosten de Bahnhoff Noordholt an de Bahnlien Bremerhoben–Cuxhoben.
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
