Kruutsand

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Drochters
Flach:	42,2 km²
Inwahners:	495 (2011-12-3131. Dezember 2011)
Inwahnerdicht:	11,7 Inwahners pro km²
Postleettall:	21706
Vörwahl:	04148
Geograafsche Laag:	Koordinaten:53° 46′ N, 9° 22′ O53° 46′ N, 9° 22′ O

Luftbild von Kruutsand (2012)

De ole Lüchttoorn von Kruutsand 1951 opnahmen

Haven von Kruutsand 1951

Skulptur Diekgreev von Carsten Eggers

Kruutsand is de gröttst’ Insel in de Elv und höört to de Gemeen Drochters.

Geografie

Se reckt von Wischhoben bit no Drochters; dor geiht dat över in dennen Otelersand. No de Noord is de Grenz dicht bi dat Hauptfohrwater von de Elv, in dennen Süüd’ is de Süderelv de Kant.

En lütt Stück von de Insel is as Reet- un Waterflach Kruutsand en Naturschuulrebeed.

De Naveröörd sünd Drochters in’n Süden, Nindörp un Doornbusch in’n Süüdwesten, Neeland in’n Westen, Wischhoben un Hamelwöörden in’n Noordwesten un op de anner Sied von de Elv Glückstadt in’n Noordoosten, Bielenbarg in’n Oosten un Kollmar in’n Süüdoosten (de all in’n Kreis Steenborg).

Historie

Dat Eiland kummt 1575 as Krutsand toeerst in de Oorkunnen vör. Lüüd hebbt dor aver eerst von de Tied so üm un bi 1620 af an leevt. De Hüüs stünnen op Worten, kumplett indiekt worrn is Kruutsand eerst 1976.

De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.

De fröher egenstännige Gemeend Kruutsand is an’n 1. April 1936 to de Gemeen Drochters kamen.

In’n Eersten Weltkrieg sünd 54 Soldaten ut Kruutsand fullen oder vermisst un in’n Tweten 33^[1].

Bi de Stormflood 1962 sünd op Kruutsand twee Lüüd doodbleven.

Inwahnertall

Johr	Inwahners
1824-00-001824[2]	75 Füürsteden
1848-00-001848[3]	785 Lüüd, 92 Hüüs
1858-00-001858[4]	914
1910-12-011. Dezember 1910[5]	911
1925-00-001925[6]	862
2011-12-3131. Dezember 2011	495

Religion

Kruutsand is evangeelsch-luthersch präägt un billt en egen Kaspel. De eerste Kark is 1682 boot worrn, de hüdige 1844/1845.

För de Kathoolschen is de Hillig-Geist-Kark in Stood tostännig.

Kultur

En Denkmaal för de Fullenen ut Kruutsand ut de twee Weltkrieg’ steiht bi de Kark.

Weertschop un Infrastruktur

Verkehr

Von Kruutsand geiht de Kreisstraat 19 na Süüdwesten in Doornbusch an de Landsstraat 111 ran. De K 45 löppt in’n Süden na Drochters an de L 111 ran.

De nächsten Bahnhööv sünd de Bahnhoff Hemmoor in Basbeek un de Bahnhööv von Himmelpoorten un Hammah an de Nedderelvbahn, de all so bi 20 Kilometer wied weg sünd.

Von 1899 bet 1933 harr dat Dörp ok tohoop mit Doornbusch en Bahnhoff an de Kedener Kreisbahn.

Scholen

De Kinner ut’n Oort gaht na de Grundschool Doornbusch op School.

Lüüd

De Ethnoloog Erhard Eylmann is 1860 op Kruutsand boren.

Literatur

• August Holler: Die Elbinsel Krautsand im Wandel der Zeiten. Ein kurzer geschichtlicher Streifzug durch die vielgestaltige Geschichte dieser Elbhallig. 1938

Footnoten

1. http://www.denkmalprojekt.org/2010/drochtersen-krautsand_kirche_wk1u2_ns.htm
2. C. H. Jansen: Statistisches Handbuch des Königreichs Hannover. 1824, Sied 342: http://books.google.de/books?id=tG0AAAAAcAAJ&pg=PA342
3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
4. Franz Heinrich Ungewitter: Neueste Erdbeschreibung und Staatenkunde. 1858, Sied 418: http://books.google.de/books?id=ZkoNAQAAIAAJ&pg=PA418
5. http://www.gemeindeverzeichnis.de/gem1900/gem1900.htm?hannover/kehdingen.htm
6. http://www.verwaltungsgeschichte.de/stade.html

Weblenken

• Websteed över dat Eiland (hoochdüütsch)

Öörd in de Gemeen Drochters

Aßel mit Ritsch un Barnkroog | Doornbusch | Drochters | Hüll | Kruutsand