Jon Turteltaub

Jonathan Jon Charles Turteltaub (* 8. August 1963 in New York City) is en US-amerikaanschen Speelbaas un Filmproduzent.

Turteltaub is de Söhn vun den Filmproduzenten Saul Turteltaub. He hett sien Afluss an de Wesleyan University un an de USC School of Cinematic Arts maakt. He hett ’n Reeg vun spoodrieke Filmen maakt as Cool Runnings, While You Were Sleeping, Instinct usw. He hett mit siene Filmen in verschedene Genres arbeit as romantische Kummedie, Filmdrama un Actionfilm. För de CBS hett he ünner annern de Feernsehreeg Jericho produzeert. Butendem hett he ok twee Dreihböker schreven.

Jon Turteltaub hett an 6. Juli 2006 de Schrieverscher un Dokumentarfilmmakerin Amy Eldon heiraadt, de Süster vun den Fotojournalisten Dan Eldon. He is Liddmaat bi Scientology.

Filmografie (Utwahl)

Johr	Titel	Funkschoon
1989	Think Big dt.: Highway Chaoten	Dreihbook Speelbaas
1991	Driving me Crazy dt.: Trabbi goes to Hollywood	Dreihbook Speelbaas
1992	3 Ninjas dt.: 3 Ninja Kids	Speelbaas
1993	Cool Runnings Cool Runnings – Dabei sein ist alles	Speelbaas
1995	While You Were Sleeping Während Du schliefst	Speelbaas
1996	Phenomenon dt.: Phenomenon – Das Unmögliche wird wahr	Speelbaas
1998	From the Earth to the Moon, Feernsehminireeg	Speelbaas
1999	Instinct dt.: Instinkt	Speelbaas
2000	The Kid dt.: The Kid – Image ist alles	Speelbaas Produzent
2001	Role of a Lifetime	Produzent
2004	National Treasure dt.: Das Vermächtnis der Tempelritter	Speelbaas Produzent
2006-08	Jericho dt.: Jericho – Der Anschlag	Speelbaas Produzent
2007	National Treasure: Book of Secrets dt.: Das Vermächtnis des geheimen Buches	Speelbaas Produzent
2009	Harper’s Island, Feernsehreeg	Produzent
2010	The Sorcerer’s Apprentice dt.: Duell der Magier	Speelbaas
2012	Common Law, Feernsehreeg	Produzent
2013	Last Vegas	Speelbaas

Utteken

Jon Turteltaub hett opstunns noch keen Filmpriesen wunnen, aver he weer 1999 för den DGA Award nomineert för sien Leistung as Speelbaas in From the Earth to the Moon.

Weblenken

• Jon Turteltaub in de Internet Movie Database (engelsch)