Huud (Landkreis Stood)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Esdörp
Inwahners:
Postleettall:	21727
Vörwahl:	04140
Geograafsche Laag:	Koordinaten:53° 33′ N, 9° 10′ O53° 33′ N, 9° 10′ O

Huud (hoochdüütsch Hude) is en Dörp in de Gemeen Esdörp (Samtgemeen Olendörp-Himmelpoorten) in’n Landkreis Stood, Neddersassen. De Oort hett polietsch von öllers to Beeß mit tohöört.

Geografie

Huud liggt an dat Över von de Oost.

De Naveröörd sünd Gröpel in’n Noorden, Forst un Böötz in’n Oosten, Beeß, Bebenholt un Öölm in’n Süüdoosten, Neer-Ochenhusen in’n Süden, Bredenvieh in’n Süüdwesten, Ottendörp in’n Westen un Oostendörp in’n Noordwesten.

Historie

Sien Naam hett de Oort von en Anleggplatz an de Oost (-huud).

Verwaltungsgeschicht

In de Franzosentied von 1810 bet 1814 hett de Oort to de Mairie Himmelpoorten in’n Kanton Himmelpoorten höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett bet 1823 to dat Gericht Brobargen höört. Nadem dat Gericht oplööst worrn is, hett Huud von 1823 bet 1885 to dat Amt Himmelpoorten tohöört. Na 1885 weer dat in’n Kreis Stood. 1932 is dat Deel von’n ne’en, grötteren Landkreis Stood worrn.

De Gemeen Beeß, to de Huud tohöört hett, is an’n 1. Juli 1972 Deel von de Gemeen Esdörp worrn.

Inwahnertall

Johr	Inwahners
1824-00-001824[1]	7 Füürsteden
1848-00-001848[2]	49 Lüüd, 9 Hüüs
1871-12-011. Dezember 1871[3]	48 Lüüd, 9 Hüüs

Religion

Huud is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur

Verkehr

Von Huud gaht Straten na Forst un Beeß an de Landsstraat 114 ran, de in’n Noordoosten över Esdörp un Olendörp na Himmelpoorten an de Bundsstraat 73 ran löppt un in’n Süden na Öölm an de Bundsstraat 74.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 27 Kilometer in’n Oosten von Huud. Wenn in Tokumst de Autobahn 20 boot warrt, denn löppt disse Autobahn direkt an Huud langs. Dat schall denn en Opfohrt an de L 114 geven, de von Huud man twee Kilometer wied weg is.

De nächste Bahnhoff is so bi twölv Kilometer wied weg in’n Süüdwesten in Bremervöör an de Bahnlien Buxthu–Bremerhoben.

Footnoten

1. C. H. Jansen: Statistisches Handbuch des Königreichs Hannover. 1824, Sied 304: http://books.google.de/books?id=tG0AAAAAcAAJ&pg=PA304
2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141