Hameln is ene Hansestadt in Neddersassen an de Werser. Se hett 58.000 Inwahners un is för de Saag över de Rattenfänger Bunting, de Carl Zuckmayer literarisch bearbeit hett, beröhmt. Dat gifft hie de Stadtbohn 5 noh Hannober. In de Nutied weer Hameln in't Königriek Hannober un anner Welfenstaaten. In Hameln weer ene grote Militärbasis vun Grootbritannien.
In Hameln is de Rattenfängerhalle. In Hameln gifft dat de Bank BHW, inst Beamtenheimstättenwerk. Grote Delen vun't Stadtzentrum sün ut't Medeloller. Kunsthistorisch belangrieke Buwarken sün bannig veele hie, ten Bispeel de Werserrenaissancebu Rattenfängerhus un dat Dempter-Hus. Dat Mönster St. Bonifacius ut de Gotik is ene grote Hallenkark mit en romanisch Torm bi de Mönsterbrügge. Hameln is noh an Ostwestfalen un't Weserbergland. In't Stiftsherrenhus is dat Städtisch Museum, wat ok de Rattenfängersaag ten Thema hett. In Hameln is ene Wallstrat, wo ok twee ole Törme sün. Siet 1975 steiht vör dat historisch Zentrum de Rattenfängerborn. De zentrale Steede vun de ole Stadt is de Markt, wat de Sammelsteede vun de Inkoopsstraten is. De luthersche Kark St. Nikolai, de inst de Kark vun de Visser un Schippslü weer is hie. Hameln is de Stadt vun de Deister- und Weserzeitung (DEWEZET).
Bekannt Lüüd, de in Hameln boren sünd
Weblenken
