Giancarlo De Sisti (* 13. März 1943 in Rom), nömmt Picchio (Specht), is en ehmalger italieensch Footballspeler un -trainer.
Mit en Grött vun blots 1,69 m un en Gewicht um de 72 kg nich jüst to'n Footballspeler utstatt, wurr he to en vun de bedüüdenst italieensch Middelfeldspeler vun de Nahkriegstiet.
Karriere
De Loopbahn vun De Sisti fung in sien Heimatstadt bi den AS Rom in de Serie A mit de Saison 1960/61 an. Nah fiev Speeltieden (mit 87 Spelen un 13 Doren as ok den Gewinn vun de Coppa Italia 1964), is he 1965 to de Fiorentina wesselt.
Bi de Fiorentina beleev he van 1965 bit 1974 den Zenit vun sien Karriere. He wurr dor Mannschapskapitän un reck mit den Gewinn vun de Coppa Italia 1965/66 un de Meestertitel in de Saison 1968/69 sien gröttste Erfolge. Insgesamt hett he för de Fiorentina 255 Spelen maakt un dorbi 28 Doren schaaten.
Mit de Saison 1974/75 kehr he to de Roma torüch, wo he noch 135 Spiele mit negen Doren maakt hett. Dor hett he denn ok sien aktiv Loopbahn mit de Saison 1978/79 afslooten.
Mit de italieensch Natschonalmannschap wurr De Sisti 1968 Europameester. 1970 weer he mit de italieensch Mannschap WM-Finalist un weer ok tovör an dat Johrhunnertspeel, dat 4:3 n.V. gegen de Düütsch Natschonalmannschap wunnen Halffinale bedeeligt. De Sisti wurr tüschen 1967 un 1972 insgesamt 29 mal in dat Natschonalteam beropen un hett veer Doren för de Squadra Azzurra schaaten.
En nah sien aktiv Karriere inslahn Trainerloopbahn (ünner annern 1980–1984 bi de Fiorentina) stunn ünner kien gooden Steern. He wurr swoor krank un muss 1984 de good Arbeit, de he bi den AC Florenz leist harr, vör de Tiet upgeven.
Toletzt hett De Sisti in' Tosammenhang mit den Footballschandaal 2006 in den Medien vun sück reden maakt. Siet he vör Johren dat "System Moggi" kritiseert harr, weer sien Trainerkarriere vörbi ween un he harr kien wiederen Job mehr kreegen, hett he tegenöver den Medienvertretern seggt.
Erfolge
In' Vereen
In de Natschonalmannschap
- Europameester 1968
- Viezweltmeester 1970
Weblenken
