De Elo-Tall is en Wertungstall, de de Speelstärke vun Go- un Schachspelern beschrifft.
Arpad Elo entwickel dat dorachterstahn objektiveWertungssystem 1960 för den US-amerikaansch Schachverband USCF. Dat wurr 1970 vun de Weltschachverband FIDE (up den Kongress in Siegen) övernommen.
De Weltschachverband nennt sien System „FIDE rating system“; en Wertungstall dorin hett offiziell „FIDE rating“, wurrd umgangsspraaklich aber meest eenfak as „Elo-Tall“ betekent. Neben dat internatschonal Wertungssystem vun de FIDE gifft dat ok noch natschonale Wertungssysteme mit ünnerscheedlich Naams. In Düütschland heet dat natschonale Wertungssystem DWZ, in Öösterriek wurrd (natschonale) Elo-Tallen berekent un in de Swiez gifft dat en Führungsliste mit Führungszahlen. All disse Systeme werten wesentlich mehr lokale Turniere ut, bereken de Wertungstallen aber ok nah de Methoden vun Arpad Elo mit meest blots geringen Modifikatschonen un afwiekend Faktoren.
