Franklin Delano Roosevelt weer de Präsident vun de Vereenigde Staaten vun 1933 bet 1945. In düssen Johren weer Eleanor Roosevelt First Lady. Dorbi is se de eerste First Lady ween, de in de Politik vun dat Land een aktiv Rull öbernahmen hett. Dat warrt seggt, se weer in düsse Tiet dat soziol un moraalsch Geweten vun ehren Mann. De Unkel vun Eleanor weer Theodore Roosevelt vun de Republikanische Partei, de ok Präsident vun de Vereenigde Staaten weer. He goll as liberal. Eleanor Roosevelt weer vun 1948 af an Liddmaat vun de Vollversammlung vun de Vereente Natschonen.