PROFILBARU.COM

Edward Bok Lewis (* 20. Mai 1918 in Wilkes-Barre, Pennsylvania; † 21. Juli 2004 in Pasadena, Kalifornien), weer en US-amerikaansch Genetiker. Hüm wurr ünner annern 1995 de Nobelpries för Physiologie oder Medizin tospraaken.

Leven

Lewis weer de tweet Söhn van den Klockmaker un Juwelier Edward Butts Lewis un de sien Fru Laura Mary Lewis (borene Histed). Sien full Naam sull eegentlich Edward Butts Lewis Jr. ween, aber sien Öllern harrn de entsprekend Papeeren nich utfüllt.

Lewis hett an de University of Minnesota (Afsluss 1939 in Biostatistik) un an dat California Institute of Technology (Caltech) Biologie un Genetik studeert. An dat Caltech hett he 1942 sien Doktertitel ünner Alfred Henry Sturtevant maakt. Wiels den Tweeten Weltkrieg hett Lewis as Meteoroloog för de US Armee arbeit. Torüch an dat California Institute of Technology wurr Lewis 1946 Assistant Professor för Biologie, in dat folgen Johr Associate un sluutend 1956 Full Professor för Biologie.

Ehrungen

1967 weer Lewis Präsident van de Genetics Society of America. 1971 wurr he in de American Academy of Arts and Sciences wählt.1983 kreeg he de Thomas Hunt Morgan Medal un 1987 den Gairdner Foundation International Award. In dat Johr 1989 kreeg he den Wolf-Pries in Medizin tospraaken. 1992 wurrr Lewis mit den Louisa-Gross-Horwitz-Pries uttekent. 1995 deel he sück mit Christiane Nüsslein-Volhard un Eric Frank Wieschaus den Nobelpries för Physiologie oder Medizin för sien „grundlegend Erkenntnisse över de genetische Kontroll van de fröh Embryoentwicklung“.

Edward Lewis weer verheiraadt mit Pamela Lewis un harr dree Kinner: Hugh, en Afkaat, de in Bellingham, Washington leevt, de all to sien Leevtieden storven Glenn un Keith, en Bioloog un Wetenschaplich Assistent, de in Berkeley, California leevt.