He weer Profi van 1904 bit 1919, blots ünnerbraken dör den Eersten Weltkrieg. De gröttste Spood in sien Karriere weer de Sieg bi den Giro d'Italia 1912 tosommen mit Luigi Ganna, Carlo Galetti un Giovanni Michelotto, wiel dat Rennen in dat Johr as Team-Wertung fohren wurr. 1910 un 1913 keem he jeweils up den 2. Platz bi disse Rundfohrt.
Tovör kunn he all den Giro di Lombardia (1905) un dat Rennen Mailand – San Remo (1907) up sien Naam schrieven. Doröver herut weer he de eerste Italiener, de en Tour de France bit to'n Enn' fohren kunn (1907 Platz 6).
