Doornbuschermoor

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Drochters
Inwahners:
Postleettall:	21706
Vörwahl:	04143
Geograafsche Laag:	Koordinaten:53° 44′ N, 9° 19′ O53° 44′ N, 9° 19′ O

Doornbuschermoor (hoochdüütsch Dornbuschermoor) is en Oort in de Gemeen Drochters in’n Landkreis Stood, Neddersassen.

Geografie

De Oort liggt in dat Kedener Moor. Dat Water ut dat Rebeed flütt över Gravens af na dat Doornbuscher Slüsenfleet un dat Wulfsbroker Fleet.

De Naveröörd sünd Neeland un Wulfsbrook in’n Noordoosten, Doornbusch in’n Oosten, Nindörp in’n Süüdoosten, Nindörpermoor un Theisbrüggermoor in’n Süden, Hüll in’n Süüdwesten un Schüttdamm un Wulfsbrokermoor in’n Noordwesten.

Historie

Verwaltungsgeschicht

De Oort hett vör 1852 to dat Kaspelsgericht Drochters von dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.

De Oort is al in dat 19. Johrhunnert Deel von de Gemeen Drochters worrn. An’n 1. Juli 1972 sünd de Gemenen Drochters, Hüll un Aßel mit de Gemeenreform in Neddersassen tohoopgahn un hebbt de ne’e un gröttere Gemeen Drochters billt.

Inwahnertall

Johr	Inwahners
1871-12-011. Dezember 1871[1]	174 Lüüd, 32 Hüüs

Religion

Doornbuschermoor is evangeelsch-luthersch präägt un höört to dat Kaspel von de Johannis- un Katharinen-Kark in Drochters.

För de Kathoolschen is de Hillig-Geist-Kark in Stood tostännig.

Weertschop un Infrastruktur

Verkehr

Dör Doornbuschermoor löppt de Kreisstraat 12, de in’n Noordwesten in Wulfsbrokermoor an de Bundsstraat 495 ran geiht un in’n Süüdoosten över de Moordörper löppt. De K 12 warrt krüüzt von de K 65, de in’n Noordoosten na Doornbusch an de Landsstraat 111 löppt un in’n Süüdwesten över Hüll na de L 113. De B 495 geiht in’n Noordoosten na Wischhoben un na de Elvfähr Glückstadt–Wischhoben un in’n Süüdwesten na Hemmoor (Basbeek/Warstood). De L 111 löppt in’n Noordwesten över Wischhoben na Freeborg un in’n Süüdoosten över Drochters un Bützfleet na Stood.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 26 Kilometer in’n Süüdoosten von Doornbuschermoor an de L 111.

De nächste Bahnhoff is so bi 14Kilometer wied weg in’n Süüdwesten de Bahnhoff Hemmoor an de Nedderelvbahn von Cuxhoben na Hamborg.

Footnoten

1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136