Dahldörp (hoochdüütsch Dahldorf) is en Dörp in de Gemeen Gnarrenborg in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Gnarrenborg.
Geografie
Dahldörp liggt in’t Düvelsmoor. Dat Water ut dat Rebeed flütt över’n Dahldörper Kanaal na’n Oost-Hamm-Kanaal hen af.
In’n Noordoosten liggt Gnarrnborg, in’n Oosten doot Barkhusen un Korlshöbenerbarg liggen. Na Süden to sünd de beiden Stratendörper Findörp un Kolheim. Na Westen sünd de Naverdörper Kuustermoor, Nee-Kuhs un Kuhs, na Noorden liggt noch Messelskamp.
Historie
Dahldörp is 1782 as Stratendörp langs den Dahldörper Kanaal anleggt worrn. Dat weer bi de Moorkolonisatschoon dör Jürgen Christian Findörp. Dat Dörp verlöppt vun Noordoost na Süüdwest langs den Kanal un parallel to’n Oost-Hamm-Kanaal un de Dörper Findörp un Kolheim. Twölf Siedlers kregen don je 60 Morgen Land towiest. Vör allen mit Törfsteken verdenen de Siedlers toeerst Geld. Dat Dörp bleev jümmer lütt. 1848 geev dat noch jümmer twölf Buursteden mit alltohoop 73 Inwahners. 1871 harr dat Dörp dat eerste Maal mehr as 100 Inwahners. 1910 weren dat denn al 168 Inwahners. Mit de egenstännige Gemeen Dahldörp güng dat 1928 toenn. Dat Dörp harr en ne’e Dörpstraat boot un harr nu Schullen. Dat weer nödig, dat sik de Gemeen Dahldörp de Gemeen Gnarrnborg ansluten dee.
De Gemeen Gnarrenborg is an’n 1. März 1974 mit de Gemeenreform in Neddersassen noch düüdlich grötter worrn. Sietdem höört Dahldörp binnen de Gemeen to de Oortschop Gnarrenborg.
Inwahnertall
| Johr |
Inwahners
|
| 1824-00-001824[1] |
12 Füürsteden
|
| 1848-00-001848[2] |
73 Lüüd, 12 Hüüs
|
| 1910-12-011. Dezember 1910[3] |
168
|
Religion
Dahldörp is evangeelsch-luthersch präägt un höört to dat Kaspel Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
Verkehr
Dahldörp sülvst besteiht blot ut de Dahldörper Straat. De geiht in’n Noorden in Gnarrenborg an de Landsstraat 122 ran. In’n Süden löppt de Straat in Kolheim an de Kolheimer un Findörper Straat ran, de to beide Sieden an’n Oost-Hamm-Kanaal langsgeiht. Ans gifft dat blot noch en lüttjere Verbinnen na Kuhs.
Scholen
De Kinner ut Dahldörp gaht na de Grundschool Klenkendörper Möhl in Oosterweed.
- ↑ C. H. Jansen: Statistisches Handbuch des Königreichs Hannover. 1824, Sied 122: http://books.google.de/books?id=tG0AAAAAcAAJ&pg=PA122
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
