He leev in Paris un harr mit de Dichtergrupp La Pléiade to doon. Ofschoonst he to de Reformeerte Kark tohören dö, un in dat Johr 1590 nah La Rochelle utbüxen möss, höör he to de Hoffkapell vun den vörmalig reformeerten König Hinrich IV. to. Dat keem woll, vunwegen dat sien Fründ, de Komponist Jacques Mauduit en goot Woort för em inleggt harr. 1596 is he to'n „königlichen Kammerkomponisten“ maakt wurrn. He is in Paris storven un an'n 28. September 1600 ünner de Eer kamen.
